തിരുവനന്തപുരം: ലൈംഗിക പീഡന കേസില് തനിക്കെതിരെ മുഖ്യമന്ത്രിക്ക് പരാതി നല്കിയ യുവതിക്കെതിരെ കൂടുതല് തെളിവുകളുമായി പാലക്കാട് എംഎല്എ രാഹുല് മാങ്കൂട്ടത്തില്. തിരുവനന്തപുരം ജില്ലാ കോടതിയില് ഒമ്പത് തെളിവുകളാണ് നല്കിയത്.ഗര്ഭഛിദ്രം യുവതി സ്വന്തം ഇഷ്ടപ്രകാരമാണ് നടത്തിയത് എന്ന് സ്ഥാപിക്കുന്ന രേഖകളും, ബലാത്സംഗം നടന്നെന്ന് പറയുന്ന കാലത്ത് ഭര്ത്താവിന് ഒപ്പമാണ് യുവതി താമസിച്ചത് എന്നതിനുള്ള തെളിവുകളും രാഹുല് സമര്പ്പിച്ച രേഖകളില് ഉള്പ്പെടുന്നു എന്നാണ് വിവരം.തെളിവുകള് പെന്ഡ്രൈവിലും നല്കി. കേസില് ഒളിവിലായിരുന്ന രാഹുല് തിരുവനന്തപുരത്തെ അഭിഭാഷകന്റെ ഓഫീസിലെത്തി വക്കാലത്തിലൊപ്പിട്ടു.രാഹുലിനെ പിടികൂടാന് പൊലീസ് അന്വേഷണം ഊര്ജിതമാക്കിയിരുന്നു. ഇതിന്റെ ഭാഗമായി ലുക്ക്ഔട്ട് സര്ക്കുലറും പൊലീസ് പുറത്തുവിട്ടിരുന്നു.
പരാതിക്കാരിയായ യുവതിക്കെതിരെ കൂടുതല് തെളിവുകളുമായി രാഹുല് മാങ്കൂട്ടത്തില്
