ന്യൂഡല്ഹി: പരസ്പര സമ്മതത്തോടെ രണ്ട് വ്യക്തികള് തമ്മിലുള്ള ബന്ധം വേര്പെടുമ്പോള് പുരുഷനെതിരെ ബലാത്സംഗ കുറ്റം ചുമത്താനാവില്ലെന്ന് സുപ്രീംകോടതി.പരസ്പര സമ്മതത്തോടെയുള്ള ഒരു ബന്ധത്തില് സംഭവിച്ച ലൈംഗിക ബന്ധത്തെ ബലാത്സംഗമായി മാറ്റാന് കഴിയില്ലെന്നും വിവാഹ വാഗ്ദാനം നല്കിയുള്ള ബലാത്സംഗ ആരോപണങ്ങള്ക്ക് വ്യക്തമായ തെളിവുകള് നല്കണമെന്നും ജസ്റ്റിസുമാരായ ബി വി നാഗരത്ന, ആര് മഹാദേവന് എന്നിവരടങ്ങിയ ബെഞ്ച് പറഞ്ഞു.
ഔറംഗാബാദിലെ ഒരു അഭിഭാഷകനെതിരെ ഫയല് ചെയ്ത ബലാത്സംഗ കേസ് റദ്ദാക്കിക്കൊണ്ടാണ് കോടതിയുടെ പരാമര്ശം. വിവാഹ വാഗ്ദാനം നല്കി അഭിഭാഷകന് ഒരു സ്ത്രീയെ ആവര്ത്തിച്ച് ബലാത്സംഗം ചെയ്തതായാണ് എഫ്ഐആറില് പറയുന്നത്. ഈ എഫ്ഐആര് റദ്ദാക്കാന് വിസമ്മതിച്ച ബോംബെ ഹൈക്കോടതി ഉത്തരവ് സുപ്രീംകോടതി റദ്ദാക്കി. ഇരുവരും തമ്മിലുള്ള ബന്ധം സ്വമേധയാ ഉള്ളതും മൂന്ന് വര്ഷത്തിലേറെ നീണ്ടുനിന്നതാണെന്നും ആ കാലയളവില് സ്ത്രീ ഒരിക്കലും സമ്മതമില്ലായിരുന്നുവെന്ന കാര്യം ചൂണ്ടിക്കാണിച്ചില്ലെന്നും കോടതി കണ്ടെത്തി.
ജീവനാംശം ലഭിക്കുന്നതിനായുള്ള കേസുമായി ബന്ധപ്പെട്ടാണ് പരാതിക്കാരി 2022ല് അഭിഭാഷകനെ കണ്ടുമുട്ടുന്നത്. കാലക്രമേണ, ഇരുവരും അടുക്കുകയും ശാരീരിക ബന്ധത്തില് ഏര്പ്പെടുകയും ചെയ്തു. അഭിഭാഷകന് തന്നെ വിവാഹം കഴിക്കാമെന്ന് ഉറപ്പുനല്കിയിരുന്നെങ്കിലും പിന്നീട് പിന്മാറുകയാണുണ്ടായതെന്നാണ് പരാതിയില് പറയുന്നത്. പലതവണ ഗര്ഭം ധരിച്ചതായും അയാളുടെ സമ്മതത്തോടെ ഗര്ഭധാരണം അവസാനിപ്പിച്ചതായും സ്ത്രീ ആരോപിച്ചു. ഒടുവില് അയാള് തന്നെ വിവാഹം കഴിക്കാന് വിസമ്മതിക്കുകയും ഭീഷണിപ്പെടുത്തുകയും ചെയ്തപ്പോഴാണ്, വിവാഹ വാഗ്ദാനം നല്കി പീഡിപ്പിച്ചുവെന്ന് കേസ് രജിസ്റ്റര് ചെയ്തത്.
അഭിഭാഷകന് വിചാരണ കോടതിയില് നിന്ന് മുന്കൂര് ജാമ്യം നേടുകയും പിന്നീട് ഭാരതീയ നാഗരിക് സുരക്ഷാ സംഹിതയുടെ സെക്ഷന് 528 പ്രകാരം കേസ് റദ്ദാക്കാന് ശ്രമിക്കുകയും ചെയ്തു. ഹൈക്കോടതി കേസ് റദ്ദാക്കാന് വിസമ്മതിച്ചു. തുടര്ന്നാണ് അദ്ദേഹം സുപ്രീം കോടതിയെ സമീപിച്ചത്.
വിവാഹ വാഗ്ദാനം നല്കി അഭിഭാഷകന് ഒരു സ്ത്രീയെ ആവര്ത്തിച്ച് ബലാത്സംഗം ചെയ്തതായാണ് എഫ്ഐആറില് പറയുന്നത്. ഈ എഫ്ഐആര് റദ്ദാക്കാന് വിസമ്മതിച്ച ബോംബെ ഹൈക്കോടതി ഉത്തരവ് സുപ്രീംകോടതി റദ്ദാക്കി. ഇരുവരും തമ്മിലുള്ള ബന്ധം സ്വമേധയാ ഉള്ളതും മൂന്ന് വര്ഷത്തിലേറെ നീണ്ടുനിന്നതാണെന്നും ആ കാലയളവില് സ്ത്രീ ഒരിക്കലും സമ്മതമില്ലായിരുന്നുവെന്ന കാര്യം ചൂണ്ടിക്കാണിച്ചില്ലെന്നും കോടതി കണ്ടെത്തി.
