ഇതിഹാസതാരം ധര്മേന്ദ്ര വിടവാങ്ങി
മുംബൈ: ബോളിവുഡ് ഇതിഹാസ താരം ധര്മ്മേന്ദ്ര (89) അന്തരിച്ചു. ദീര്ഘകാലമായി അസുഖ ബാധിതനായി ചികിത്സയിലായിരുന്നു. മുംബൈയിലെ വസതിയിലായിരുന്നു അന്ത്യം. ഡിസംബര് 8ന് 90ാം ജന്മദിനം ആഘോഷിക്കാനിരിക്കുകയായിരുന്നു.
ബോളിവുഡിലെ എക്കാലത്തെയും മികച്ച താരങ്ങളിലൊരാളായാണ് ധര്മേന്ദ്ര വിശേഷിപ്പിക്കപ്പെടുന്നത്. 1960ല് ‘ദില് ഭി തേരാ, ഹം ഭി തേരാ’ എന്ന ചിത്രത്തിലൂടെയാണ് തുടക്കം. ഷോലെ, ധരംവീര്, ചുപ്കേ ചുപ്കേ, ഡ്രീം ഗേള് തുടങ്ങിയ ചിത്രങ്ങള് ധര്മേന്ദ്രയെ പ്രശസ്തനാക്കി. ധര്മേന്ദ്ര അവസാനമായി അഭിനയിച്ച ‘ഇക്കിസ്’ എന്ന ചിത്രം ഡിസംബര് 25ന് റിലീസ് ചെയ്യാനിരിക്കുകയാണ്. നടി ഹേമമാലിനിയാണ് ധര്മേന്ദ്രയുടെ ഭാര്യ. പ്രകാശ് കൗര് ആദ്യ ഭാര്യയാണ്. ബോളിവുഡ് താരങ്ങളായ സണ്ണി ഡിയോള്, ബോബി ഡിയോള്, ഇഷ ഡിയോള് എന്നിവരുള്പ്പെടെ 6 മക്കളുണ്ട്.
