കോഴിക്കോട്: ചക്കുളത്തുകാവ് ശ്രീ ഭഗവതി ക്ഷേത്രത്തിലെ പൊങ്കാല ഡിസംബര് 4ന് നടക്കുമെന്ന് ഭാരവാഹികള് വാര്ത്താസമ്മേളനത്തില് പറഞ്ഞു. പൊങ്കാല യുടെ പ്രധാന ചടങ്ങായ കാര്ത്തിക സ്തംഭം ഉയര്ത്തല് നവംബര് 23 ഞായാഴ്ച് നടക്കും.
പുലര്ച്ചെ 4 ന് നിര്മ്മാല്യ ദര്ശനവും അഷ്ടദ്രവ്യ മഹാഗണപതി ഹോമവും 9 ന് വിളിച്ചു ചൊല്ലി പ്രാര്ഥനയും തുടര്ന്ന് ക്ഷേത്ര ശ്രീ കോവിലിലെ കെടാവിളക്കില് നിന്നും ക്ഷേത്ര കാര്യദര്ശി മണിക്കുട്ടന് നമ്പൂതിരി കൊടിവിളക്കിലേക്ക് ദീപം പകരും, തുടര്ന്ന് നടപന്തലില് പ്രത്യേകം തയ്യാറാക്കിയ പണ്ടാര പൊങ്കാല അടുപ്പിലേക്ക് ട്രസ്റ്റ് പ്രസിഡന്റും മുഖ്യ കാര്യദര്ശിയായ രാധാകൃഷ്ണന് നമ്പൂ തിരി പൊങ്കാലയ്ക്ക് തുടക്കം കുറിക്കും. കേന്ദ്രമന്ത്രി ജോര്ജ് കുര്യന് പൊങ്കാലയുടെ ഉദ്ഘാടനം നിര്വഹിക്കും, തമിഴ്നാട് മുന് മുഖ്യ മന്ത്രി ഒ.പനീര് ശെല്വം ഭദ്രദീപ പ്രകാശനം നടത്തും. ക്ഷേത്ര മേല്ശാന്തി അശോകന് നമ്പൂതിരിയുടെ കാര്മ്മിക നേതൃത്വത്തില് ട്രസ്റ്റിമാരായ രഞ്ജിത്ത് ബി നമ്പൂതിരി, ദുര്ഗ്ഗാദത്തന് നമ്പൂതിരി എന്നിവര് പൊങ്കാല സമര്പ്പണ ചടങ്ങുകള് നടക്കും.ക്ഷേത്ര കാര്യദര്ശി മണിക്കുട്ടന് നമ്പൂതിരി അദ്ധ്യക്ഷത വഹിക്കും.
11 ന് 500- ല് അധികം വേദ പണ്ഡിതന്മാരുടെ മുഖ്യ കാര്മ്മികത്വത്തില് ദേവിയെ 51 ജീവതകളിലായി എഴുന്നള്ളിച്ച് ഭക്തര് തയ്യാറാക്കിയ പൊങ്കാല നേദിക്കും. പൊങ്കാല നേദ്യത്തിനു ശേഷം ദിവ്യാ അഭിഷേകവും ഉച്ചദീപാരാധനയും നടക്കും.
വൈകിട്ട് 5 ന് നടക്കുന്ന സാംസ്കാരിക സമ്മേളനം മന്ത്രിസജി ചെറിയാന് ഉദ്ഘാടനം ചെയ്യും. കുട്ടനാട് എം.എല് എ തോമസ്സ്. കെ. തോമസ്സ് അദ്ധ്യക്ഷത വഹിക്കും. എം.പി. കൊടിക്കുന്നില് സുരേഷ് വിശിഷ്ടാതിഥിയാരിക്കും. എടത്വാ സെന്റ് ജോര്ജ് ഫൊറോന പള്ളി വികാരി റവ.ഫാ.ഫിലിപ്പ് വൈക്കത്തുകാരന്, നെടുമ്പ്രം ചീഫ് ഇമാം അമാനുല്ലാഹ് സുഹ്രി എന്നിവര് മുഖ്യസന്ദേശവും, മുഖ്യ കാര്യദര്ശി രാധാകൃഷണന് നമ്പൂതിരി അനുഗ്രഹപ്രഭാഷണവും, ക്ഷേത്ര മേല്ശാന്തി അശോകന് നമ്പൂതിരി മംഗളാരതി സമര്പ്പിക്കുകയും വെസ്റ്റ് ബംഗാള് ഗവര്ണ്ണര് ഡോ.സി.വി ആനന്ദബോസ് ഐ.എ.എസ് കാര്ത്തിക സ്തംഭത്തില് അഗ്നി പ്രോജ്വലിപ്പിക്കുന്ന ചടങ്ങുകളും നിര്വഹിക്കും. ക്ഷേത്ര കാര്യദര്ശി മണിക്കൂട്ടന് നമ്പൂതിരി സ്വാഗതം പറയും.
തലവടി ഗ്രാമപഞ്ചായത്ത് പ്രസിഡന്റ് ഗായത്രി ബി നായര്, തിരുവല്ല മുന്സി പ്പല് ചെയര് പേഴ്സണ് അനു ജോര്ജജ്, ചമ്പക്കുളം ബ്ലോക്ക് പഞ്ചായത്ത് അംഗം അജിത്ത് കുമാര് പിഷാരത്ത്, തലവടി ഗ്രാമപഞ്ചായത്ത് വാര്ഡ് മെമ്പറുമായ കൊച്ചുമോള് ഉത്തമന്, അആഅടട അഖിലേന്ത്യാ പ്രസിഡന്റ് അഡ്വ. ഡി. വിജയകുമാര് എന്നിവര് പങ്കെടുക്കും.
1500-ത്തിലധികം ക്ഷേത്ര വോളന്റിയേഴ്സ് നിര്ദ്ദേശങ്ങളുമായി സേവന പ്രവര്ത്തനങ്ങള് നടത്തും. ഭക്തരുടെ പ്രാഥമീകാവശ്യങ്ങള്ക്കായി സ്ഥിരം സംവിധാനങ്ങള്ക്കു പുറമെ താത്കാലിക ശൗചാലയങ്ങളും ഏര്പ്പെടുത്തും. പോലീസ്, കെ.എസ്. ആര്.റ്റി.സി, ആരോഗ്യ-തദ്ദേശ സ്വയംഭരണ സ്ഥാപനങ്ങള്, ഫയര്ഫോഴ്സ്, കെ.എസ്.ഇ.ബി., ജല അതോറിറ്റി, എക്സൈസ്, ജല ഗതാഗതം, റവന്യൂ വകുപ്പുകളുടെ സേവനം ആലപ്പുഴ-പത്തനംതിട്ട ജില്ലാ കളക്ടര് മാരുടെ നേതൃത്വത്തില് സജ്ജീകരിക്കും. പാര്ക്കിംഗിനും പ്രത്യേക സൗകര്യം ഏര്പ്പെടുത്തും. പ്ലാസ്റ്റിക്ക് പൂര്ണ്ണമായി നിരോധിച്ചും ഹരിത ചട്ടങ്ങള് പാലിച്ചുമാണ് പൊങ്കാലയുടെ ക്രമീകരണങ്ങള് നടത്തിയിരിക്കുന്നത്. കേരളത്തിലെ എല്ലാ ഡിപ്പോയില്നിന്നും തീര്ത്ഥാടന ടൂറിസ ത്തിന്റെ ഭാഗമായി ചക്കുളത്ത്കാവിലേക്ക് പൊങ്കാല അര്പ്പിക്കാന് എത്തുന്ന ഭക്തര്ക്ക് പൊങ്കാല അര്പ്പിച്ച ശേഷം തിരികെ മടങ്ങുന്നതിനുമുള്ള സൗകര്യം ചക്കുളത്തുകാവ് ക്ഷേത്രവും കെ.എസ്സ്.ആര്.റ്റി.സി യുംമായി സംയോജിച്ച് ക്രമീ കരിച്ചിട്ടുണ്ടെന്നും ഭാരവാഹികള് അറിയിച്ചു.
വാര്ത്താസമ്മേളനത്തില് ക്ഷേത്ര മനേജിങ്ങ് ട്രസ്റ്റി & ചീഫ് അഡ്മിനിസ്ട്രേറ്റര് മണിക്കുട്ടന് നമ്പൂതിരി, ക്ഷേത്ര മേല്ശാന്തി അശോകന് നമ്പൂതിരി, രഞ്ചിത്ത് ബി നമ്പൂതിരി, അജിത്ത് കുമാര് പിഷാരത്ത് എന്നിവര് പങ്കെടുത്തു.
ചക്കുളത്തുകാവ് പൊങ്കാല ഡിസംബര് 4ന്
