തിരുവനന്തപുരം: മെഡിക്കല് കോളജുകള് ഉള്പ്പെടെയുള്ള സംസ്ഥാനത്തെ സര്ക്കാര് ആശുപത്രികളിലെ ഡോക്ടര്മാരുടെ ക്ഷാമം പരിഹരിക്കാന് സര്ക്കാര് തീരുമാനം. ആരോഗ്യവകുപ്പിലെ വിവിധ ആശുപത്രികളില് 202 ഡോക്ടര്മാരുടെ പുതിയ തസ്തികകള് സൃഷ്ടിക്കും. കാസര്ഗോഡ്, വയനാട് മെഡിക്കല് കോളേജുകളിലും പുതിയ തസ്തികകള് സൃഷ്ടിക്കും.
മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നില്ക്കുന്ന വിഭാഗങ്ങള്ക്കു വേണ്ടിയുള്ള കേരള സംസ്ഥാന കമ്മീഷന് പുനഃസംഘടിപ്പിച്ചു. ചെയര്മാനായി ഹൈക്കോടതി റിട്ട. ജഡ്ജ് സി എന്. രാമചന്ദ്രന് നായര്, അംഗങ്ങളായി തൃശൂര് സ്വദേശി സെബാസ്റ്റ്യന് ചൂണ്ടല്, കൊട്ടാരക്കര സ്വദേശി ജി രതികുമാര് എന്നിവര് കമ്മീഷന് അംഗങ്ങളായും നിയമിച്ചു. ഇന്ന് ചേര്ന്ന മന്ത്രിസഭാ യോഗത്തിലാണ് ഇതു സംബന്ധിച്ച തീരുമാനം ഉണ്ടായത്.
