തിരുവനന്തപുരം: തദ്ദേശ തെരഞ്ഞെടുപ്പ് ലക്ഷ്യം വെച്ച് വന് പ്രഖ്യാപനങ്ങളുമായി മുഖ്യമന്ത്രി പിണറായി വിജയന്. ക്ഷേമ പെന്ഷന് 1600ല് നിന്ന് 400 രൂപ വര്ദ്ധിപ്പിച്ച് രണ്ടായിരം രൂപയാക്കി.
സത്രീ സുരക്ഷാ പെന്ഷന് പ്രതിമാസം ആയിരം രൂപ നല്കും.പാവപ്പെട്ട സ്ത്രീകള്ക്കാണ് സഹായം, ട്രാന്സും ഇതില് ഉള്പ്പെടും. 33 ലക്ഷത്തിലേറെ സ്ത്രീകള്ക്ക് സഹായം കിട്ടുമെന്ന് മുഖ്യമന്ത്രി പറഞ്ഞു.
അങ്കണവാടി വര്ക്കര്മാരുടെയും ഹെല്പ്പര്മാരുടെയും ഓണറേറിയം വര്ധിപ്പിച്ചു. ആയിരം രൂപയാണ് കൂട്ടിയത്. സാക്ഷരതാ പ്രേരക്മാരുടെ ഓണറേറിയം ആയിരം രൂപയാക്കിയെന്നും മുഖ്യമന്ത്രി വാര്ത്താ സമ്മേളനത്തില് അറിയിച്ചു.
പിഎം ശ്രീ പദ്ധതിയില് ധാരണാപത്രം ഒപ്പിട്ടതിലുണ്ടായ വിവാദത്തില്, നടപടി പുനപരിശോധിക്കാന് മന്ത്രിസഭാ യോഗം തീരുമാനിച്ചതായി മുഖ്യമന്ത്രി പിണറായി വിജയന് പറഞ്ഞു. ഇക്കാര്യം പരിശോധിച്ച് റിപ്പോര്ട്ട് തയ്യാറാക്കുന്നതിനായി ഏഴ് അംഗങ്ങളുള്ള ഉപസമിതി രൂപീകരിച്ചു. ഉപസമിതിയുടെ റിപ്പോര്ട്ട് വരുന്നതുവരെ പിഎം ശ്രീയുമായി ബന്ധപ്പെട്ട തുടര്നടപടികള് നിര്ത്തിവയ്ക്കും. ഇക്കാര്യം കേന്ദ്രസര്ക്കാരിനെ കത്തുമൂലം അറിയിക്കും.ഉപ സമിതിയില് കെ രാജന്, റോഷി അഗസ്റ്റിന്, പി രാജീവ്, വി ശിവന് കുട്ടി, പി പ്രസാദ്, എകെ ശശീന്ദ്രന്, കെ കൃഷ്ണന്കുട്ടി എന്നിവരാണ് സമിതി അംഗങ്ങള്.
ക്ഷേമപെന്ഷന് 2000 രൂപ; മുഖ്യമന്ത്രിയുടെ പുതിയ പ്രഖ്യാപനം
