ന്യൂഡല്‍ഹി: കേന്ദ്രസര്‍ക്കാരും സംസ്ഥാനങ്ങളും ടീം ഇന്ത്യയെപ്പോലെ ഒരുമിച്ച് പ്രവര്‍ത്തിച്ചാല്‍ ഒരു ലക്ഷ്യവും അസാധ്യമല്ലെന്ന് പ്രധാനമന്ത്രി നരേന്ദ്ര മോദി. നീതി ആയോഗിന്റെ പത്താമത് ഗവേണിംഗ് കൗണ്‍സില്‍ യോഗത്തില്‍ അധ്യക്ഷതവഹിച്ച് സംസാരിക്കുകയായിരുന്നു പ്രധാനമന്ത്രി. ‘വികസിത് ഭാരത് @2047’ എന്നതിലൂന്നിയായിരുന്നു ഗവേണിംഗ് കൗണ്‍സില്‍ യോഗത്തിലെ ചര്‍ച്ച. ഓരോ ഇന്ത്യക്കാരന്റെയും ലക്ഷ്യമാണ് വികസിത് ഭാരത്. ഓരോ സംസ്ഥാനവും വികസിക്കുമ്പോള്‍ ഭാരതവും വികസിക്കും. ഇത് 140 കോടി പൗരന്മാരുടെ അഭിലാഷമാണെന്നും പ്രധാനമന്ത്രി പറഞ്ഞു.
് ആഗോള നിലവാരത്തിന് തുല്യമായി ഓരോ സംസ്ഥാനത്തും എല്ലാ സൗകര്യങ്ങളും നല്‍കി കുറഞ്ഞത് ഒരു വിനോദസഞ്ചാര കേന്ദ്രമെങ്കിലും വികസിപ്പിക്കണം. ഒരു സംസ്ഥാനം ഒരു ആഗോള ലക്ഷ്യസ്ഥാനമാകണം. ഇത് സമീപ നഗരങ്ങള്‍ വിനോദസഞ്ചാര കേന്ദ്രങ്ങളായി വികസിക്കാനും ഇടയാക്കുമെന്നും പ്രധാനമന്ത്രി കൂട്ടിച്ചേര്‍ത്തു.സാധാരണ പൗരന്മാരുടെ ജീവിതത്തില്‍ മാറ്റം കൊണ്ടുവരുന്ന രീതിയിലായിരിക്കണം നയം നടപ്പാക്കേണ്ടത്്. ജനങ്ങള്‍ക്ക് മാറ്റം അനുഭവപ്പെടുമ്പോള്‍ മാത്രമാണ് അത് ശക്തിപ്പെടുകയും ഒരു പ്രസ്ഥാനമായി രൂപാന്തരപ്പെടുകയും ചെയ്യുന്നത്.
കേന്ദ്രവും സംസ്ഥാനങ്ങളും ടീം ഇന്ത്യ പോലെ ഒരുമിച്ച് പ്രവര്‍ത്തിച്ചാല്‍ ഒരു ലക്ഷ്യവും അസാധ്യമല്ല: മോദി
