ന്യൂഡല്ഹി: രാഷ്ട്രമുണ്ടെങ്കിലേ രാഷ്ട്രീയത്തിന് പ്രസക്തിയുള്ളൂവെന്ന് ശശി തരൂര് എം.പി. പാകിസ്ഥാനെതിരെയുള്ള ഇന്ത്യയുടെ പോരാട്ടവും ഓപ്പറേഷന് സിന്ദൂറിന്റെ പശ്ചാത്തലവും വിദേശരാജ്യങ്ങള് സന്ദര്ശിച്ച് വിശദീകരിക്കാന് കേന്ദ്രസര്ക്കാര് രൂപവത്കരിച്ച സര്വ്വകക്ഷിപ്രതിനിധിസംഘത്തിലേക്കുള്ള ക്ഷണം സ്വീകരിച്ച് കോണ്ഗ്രസ് എംപി ശശി തരൂര്.ഇക്കാര്യത്തില് രാഷ്ട്രീയം കാണുന്നില്ല. ഭാരതം ഒരു പ്രതിസന്ധിയില് നില്ക്കുമ്പോള്, ഒരു പൗരനോട് ഒരു കാര്യം ആവശ്യപ്പെടുമ്പോള് അത് നിറവേറ്റണം. കോണ്ഗ്രസ് നേതൃത്വത്തിന് തന്റെ കഴിവിലും കഴിവില്ലായ്മയിലും വ്യത്യസ്തമായ അഭിപ്രായം കാണും. എന്നെ ക്ഷണിച്ചത് കൊണ്ട് താന് പോകുമെന്നും ശശി തരൂര് വ്യക്തമാക്കി.
കോണ്ഗ്രസ് നിര്ദേശിച്ച പേരുകള് തള്ളിയാണ് പ്രതിനിധി സംഘത്തില് കേന്ദ്രസര്ക്കാര് തരൂരിനെ ഉള്പ്പെടുത്തിയത്. നാല് അംഗങ്ങളുടെ പേരാണ് കോണ്ഗ്രസ് കേന്ദ്രസര്ക്കാരിനെ അറിയിച്ചത്. മുന് കേന്ദ്രമന്ത്രിയായ ആനന്ദ് ശര്മ, ഗൗരവ് ഗെഗോയി, സയ്ദ് നാസീര് ഹുസൈന്, രാജ് ബ്രാര് എന്നിവരുടെ പേരുകളാണ് കോണ്ഗ്രസ് നിര്ദേശിച്ചത്.
ശശി തരൂരിനെ കൂടാതെ വിദേശ രാജ്യങ്ങളിലേക്കുള്ള പ്രതിനിധി സംഘങ്ങളെ വിവിധ രാഷ്ട്രീയ കക്ഷികളില് നിന്നുള്ളവരാണ് നയിക്കുന്നത്. എന്ഡിഎയില് നിന്ന് ബിജെപിയുടെ രവിശങ്കര് പ്രസാദ്, ബൈജയന്ത് പാണ്ഡ, ജെഡിയുവിന്റെ സഞ്ജയ് കുമാര് ഝാ, ശിവസേന ഷിന്ഡെ വിഭാഗത്തില് നിന്ന് ശ്രീകാന്ത് ഷിന്ഡെ, പ്രതിപക്ഷത്ത് നിന്ന് ഡിഎംകെയുടെ കനിമൊഴി, എന്സിപിയുടെ സുപ്രിയ സുലേ എന്നിവരും ഓരോ സംഘത്തെ നയിക്കും.
രാഷ്ട്രമുണ്ടെങ്കിലേ രാഷ്ട്രീയത്തിന് പ്രസക്തിയുള്ളൂ’; ശശി തരൂര് എം.പി
താങ്കള്ക്ക് പാർട്ടി ത്രൂ ചോദിക്കണമെന്ന് പറയാമായിരുന്നു.
ഒരു കുട്ടിയെ രക്ഷിതാവ് അറിയാതെ സ്കൂളിൽ നിന്നും ആരും എവിടെയും കൊണ്ടു പോകാറില്ല ….ഏതു രാഷ്ട്രീയ കക്ഷി
യില് ആണൊ താങ്കൾ ഉള്ളത്
അവരെ ആദ്യം അനുസരിക്കുക ..
ഇതെല്ലാം Mr. തരൂരിന് അറിയാo
പക്ഷെ…..എന്തു ചെയ്യാൻ പറ്റും
very bad……രാഷ്ട്രീയം ഉണ്ടെങ്കിലേ രാഷ്ട്രം ഉണ്ടാകൂ…