കോഴിക്കോട്:അമേരിക്കന്‍ ഹാര്‍ട്ട് അസോസിയേഷന്റെ (എഎച്ച്എ) കോംപ്രിഹെന്‍സീവ് ചെസ്റ്റ് പെയിന്‍ ട്രീറ്റ്‌മെന്റ് സെന്റര്‍ അംഗീകാരം ആസ്റ്റര്‍ മിംസിന്. ഈ അക്രഡിറ്റേഷന്‍ ലഭിച്ച ഇന്ത്യയിലെ ആദ്യത്തെ ആശുപത്രിയാണ് കോഴിക്കോട് ആസ്റ്റര്‍ മിംസ്. ലോകത്ത് എല്ലായിടത്തും ഹൃദയ സംബന്ധമായ ചികിത്സകള്‍ക്ക് വേണ്ട നിര്‍ദ്ദേശങ്ങളും മാനദണ്ഡങ്ങളും നല്‍കുന്ന സംഘടനയാണ് എഎച്ച്എ. നൂതന രോഗനിര്‍ണയ മാര്‍ഗങ്ങള്‍, ആധുനിക ചികിത്സാ രീതികള്‍, സമഗ്രമായ പരിചരണം എന്നിവ ഉള്‍പ്പെടുത്തി ആശുപത്രിയിലെ ഓരോ ജീവനക്കാരുടെയും പ്രവര്‍ത്തനമടക്കം വിവിധ മാനദണ്ഡങ്ങള്‍ വിലയിരുത്തിയാണ് ഈ അംഗീകാരം നല്‍കുന്നത്. ആശുപത്രിയിലെ എല്ലാ വിഭാഗങ്ങളുടെയും സഹകരണത്തോടെ ഏറ്റവും സങ്കീര്‍ണ്ണമായ കേസുകള്‍ പോലും ചികിത്സിക്കുന്നതിലുള്ള മികവിനെയാണ് ഈ അംഗീകാരം പ്രതിഫലിപ്പിക്കുന്നതെന്നും,ഓരോ രോഗിക്കും സാധ്യമായ ഏറ്റവും മികച്ച ചികിത്സ കാലതാമസമില്ലാതെ ലഭിക്കുന്നുണ്ടെന്ന് ഉറപ്പാക്കുന്നനുള്ള അംഗീകാരമാണിതെന്നും ഇന്റെര്‍വന്‍ഷണല്‍ കാര്‍ഡിയോളജി വിഭാഗം മേധാവി ഡോ.സല്‍മാന്‍ സലാഹുദ്ദീന്‍ പറഞ്ഞു. നൂതന സ്‌ട്രോക്ക് കെയര്‍ ഇന്‍ഫ്രാസ്ട്രക്ചറുകളിലൂടെ, രോഗികളുടെ ആരോഗ്യം ക്രമേണ മെച്ചപ്പെടുത്തുകയും വേഗത്തില്‍ സുഖം പ്രാപിക്കാന്‍ സഹായിക്കുകയും ചെയ്യുന്ന നിര്‍ണായക ഇടപെടലുകള്‍ നടത്തിയതിന് നേരത്തെ ആസ്റ്റര്‍ മിംസിന് എഎച്ച്എ യുടെ കോംപ്രിഹെന്‍സീവ് സ്‌ട്രോക്ക് സെന്റര്‍ അംഗീകാരവും ലഭിച്ചിട്ടുണ്ടെന്ന് മിംസ് സി ഒ ഒ ലുഖ്മാന്‍ പൊന്‍മാടത്ത് പറഞ്ഞു. കൃത്യമായ സ്‌ട്രോക്ക് രോഗനിര്‍ണയവും വേഗത്തിലുള്ള മെഡിക്കല്‍ ഇടപെടലും പ്രാപ്തമാക്കുന്ന ദക്ഷിണേഷ്യയിലെ ആദ്യത്തെ എമര്‍ജന്‍സി ഡിപ്പാര്‍ട്ട്മെന്റ് ബൈപ്ലെയ്ന്‍ കാത്ലാബും കോഴിക്കോട് ആസ്റ്റര്‍ മിംസിലാണുള്ളതെന്നും ഈ രണ്ട് വിഭാഗങ്ങളുടെ മികച്ച സേവനത്തിനുള്ള അംഗീകാരവും കൂടിയാണിതെന്ന് അദ്ദേഹം കൂട്ടി ചേര്‍ത്തു.
പത്ര സമ്മേളനത്തില്‍ ആസ്റ്റര്‍ മിംസ് സി എം എസ് ഡോ.അബ്രഹാം മാമന്‍, സിഒഒ ലുഖ്മാന്‍ പൊന്‍മാടത്ത്, ഡോ.സല്‍മാന്‍ സലാഹുദ്ദീന്‍, ഡോ.ബിജോയ് കെ, ഡോ.സുദീപ് കോശി കുര്യന്‍, ഡോ. സന്ദീപ് മോഹനന്‍,ഡോ.യുംന തുടങ്ങിയവര്‍ പങ്കെടുത്തു.
എ എച്ച് എ യുടെ ഇന്ത്യയിലെ ആദ്യ കോംപ്രിഹെന്‍സീവ്
ചെസ്റ്റ് പെയിന്‍ ട്രീറ്റ്‌മെന്റ് സെന്റര്‍ അംഗീകാരം ആസ്റ്റര്‍ മിംസിന്
