കോഴിക്കോട്:സദ്ഭാവന ബുക്‌സ് ഏര്‍പ്പെടുത്തിയ തകഴി സാഹിത്യ പുരസ്‌കാരം തിരുവനന്തപുരം സ്വദേശിനി കവിത വിശ്വനാഥിന് .കോഴിക്കോട് ഇന്‍ഡോര്‍ സ്റ്റേഡിയം ഹാളില്‍ നടത്തിയ തകഴി അനുസ്മരണ സാഹിത്യ സമ്മേളനത്തില്‍ സാഹിത്യകാരന്‍ യു.കെ കുമാരനാണ് പുരസ്‌കാരം സമ്മാനിച്ചു. സദ്ഭാവന ബുക്‌സ് എഡിറ്റര്‍ സുനില്‍ മടപ്പള്ളി അധ്യക്ഷത വഹിച്ചു. 15,000 രൂപയും ഫലകവുമടങ്ങുന്നതാണ് പുരസ്‌കാരങ്ങള്‍. എഴുത്തുകാരിയും ഗായികയുമായ അജിത മാധവ് പുരസ്‌കാര ജേതാക്കളെ പരിചയപ്പെടുത്തി. എറണാകുളം പ്രസ് ക്ലബ്ബ് സെക്രട്ടറിയും മലയാള മനോരമ ചീഫ് സബ് എഡിറ്ററുമായ എം. ഷജില്‍ കുമാര്‍, കലാ-സാഹിത്യ പ്രവര്‍ത്തകരായ മോഹനന്‍ പുതിയോട്ടില്‍, ജയന്‍ കടലുണ്ടി, ലിംസി ആന്റണി, രമ്യ ബാലകൃഷ്ണന്‍, എം. ശിവരാമ പ്രകാശ് ആശംസകള്‍ നേര്‍ന്നു. കവിത വിശ്വനാഥ് മറുമൊഴി നടത്തി.
തകഴി സാഹിത്യ പുരസ്‌കാരം കവിത വിശ്വനാഥിന്
