കോഴിക്കോട്: കുഞ്ഞുങ്ങളില്‍ ജന്മനാകണ്ടുവരുന്ന ഹൃദയ സംബന്ധമായ അസുഖങ്ങളെ കുറിച്ച് ചര്‍ച്ച ചെയ്യുന്നതിന് വേണ്ടി സംഘടിപ്പിച്ച പീഡിയാട്രിക് ഡോക്ടര്‍മാരുടെ കോണ്‍ഫറന്‍സ് പെഡിക്ക 2025 സീരീസ്-1 സമാപിച്ചു. കോഴിക്കോട് ആസ്റ്റര്‍ മിംസ് ഹോസ്പിറ്റലിന്റെ നേതൃത്വത്തില്‍ നടന്ന കോണ്‍ഫറന്‍സില്‍ കേരളത്തിന് അകത്തും പുറത്തുമുള്ള നിരവധി പീഡിയാട്രിക് സ്പെഷ്യലിസ്റ്റുകളും പി ജി ഡോക്ടര്‍മാരും പങ്കെടുത്തു.
പരിപാടിയില്‍ കുഞ്ഞുങ്ങളില്‍ കണ്ടുവരുന്ന ഹൃദയ സംബന്ധ അസുഖമായ ഏട്രിയല്‍ സെപ്ടല്‍ ഡിഫക്ട് (അടഉ) എന്ന രോഗത്തെ കുറിച്ചുള്ള അവലോകനവും ന്യൂതന ചികിത്സാ രീതികളും, അത്യാധുനിക ഉപകരണങ്ങളുടെ പരിചയപ്പെടലും നടന്നു. അസുഖങ്ങള്‍ നേരത്തേ കണ്ടെത്തുന്നതിനും കൃത്യമായ ചികിത്സാരീതികള്‍ അവലംമ്പിക്കുവാനും ഇത്തരം കൂടിച്ചേരലുകള്‍ ആരോഗ്യ ചികിത്സാ രംഗത്ത് അത്യന്താപേക്ഷിതമാണെന്നും, ഇത് അക്കാദമിക് തലത്തിലും രോഗികളില്‍ ചികിത്സ വേഗത്തില്‍ നടപ്പിലാകുന്നതിനും ഗുണകരമാണെന്നും ആസ്റ്റര്‍ മിംസ് സി എം എസ് ഡോ. എബ്രഹാം മാമന്‍ പറഞ്ഞു. കോണ്‍ഫറന്‍സുമായി ബന്ധപ്പെട്ട് നടന്ന ക്വിസ് മത്സരത്തില്‍ കോഴിക്കോട് ബേബി മെമ്മോറിയല്‍ ഹോസ്പിറ്റലിലെ ഡോ.ഉമ്മുസല്‍വ ഒന്നാം സ്ഥാനവും, കോഴിക്കോട് ആസ്റ്റര്‍ മിംസ് ഹോസ്പിറ്റലിലെ ഡോ. റോസ് മേരീ ടോം, ഡോ. ലുബ്‌ന കെ പി എന്നിവര്‍ രണ്ടും മൂന്നും സ്ഥാനങ്ങളും കരസ്ഥമാക്കി . ചടങ്ങിന് ഡോ.സുല്‍ഫിക്കര്‍ അഹമ്മദ്, ഡോ. സുധ കൃഷ്ണനുണ്ണി, ഡോ. സുരേഷ് കുമാര്‍, ഡോ. രേണു പി കുറുപ്പ്, ഡോ. ഗിരീഷ് വാരിയര്‍, ഡോ. രമാദേവി കെ എസ്, ഡോ. ശബരിനാഥ് മേനോന്‍, ഡോ.പ്രിയ പി എസ് , ഡോ. നബീല്‍ ഫൈസല്‍ വി തുടങ്ങിയവര്‍ നേതൃത്വം നല്‍കി.
