ന്യൂഡല്‍ഹി: ലോട്ടറി നികുതി വരുമാനം മുഴുവനും സംസ്ഥാനങ്ങള്‍ക്ക് ഈടാക്കാമെന്ന് സുപ്രീം കോടതി. നികുതി ചുമത്താന്‍ കേന്ദ്ര സര്‍ക്കാരിന് അധികാരമില്ലെന്നും സംസ്ഥാന സര്‍ക്കാരുകള്‍ക്കു മാത്രമേ ലോട്ടറി വിതരണക്കാരില്‍നിന്നു നികുതി ഈടാക്കാനാകൂ എന്നും കോടതി വ്യക്തമാക്കി. കേന്ദ്ര സര്‍ക്കാരിന്റെ അപ്പീല്‍ തള്ളിയാണ് സുപ്രീം കോടതിയുടെ നിര്‍ണായക വിധി. ലോട്ടറി നികുതി സംസ്ഥാന വിഷയമാണെന്നും ജസ്റ്റിസുമാരായ ബി.വി.നാഗരത്ന, എന്‍.കോടീശ്വര്‍ സിങ് എന്നിവരുടെ ബെഞ്ച് നിരീക്ഷിച്ചു.
സംസ്ഥാനങ്ങള്‍ക്കു ലോട്ടറി നികുതി വരുമാനം പൂര്‍ണമായി ഉറപ്പാക്കുന്ന വിധി കേരളത്തിനുള്‍പ്പെടെ ആശ്വാസമാണ്. 2010ലെ സാമ്പത്തിക ഭേദഗതി നിയമത്തിലെ അനുബന്ധ വകുപ്പ് റദ്ദാക്കിയ സിക്കിം ഹൈക്കോടതിയുടെ വിധി സുപ്രീം കോടതി ശരിവച്ചു. ലോട്ടറി ടിക്കറ്റ് വിതരണക്കാര്‍ നടത്തുന്നത് സേവനമല്ല എന്നായിരുന്നു സിക്കിം ഹൈക്കോടതിയുടെ നിരീക്ഷണം. സംസ്ഥാനങ്ങള്‍ക്ക് ലോട്ടറി വിതരണക്കാരില്‍നിന്നു ചൂതാട്ട നികുതി ഈടാക്കുന്നതു തുടരാമെന്നും സുപ്രീം കോടതി വ്യക്തമാക്കി.
ലോട്ടറി നികുതി വരുമാനം മുഴുവനും
സംസ്ഥാനങ്ങള്‍ക്ക്; സുപ്രീം കോടതി
