തിരുവനന്തപുരം: തെരഞ്ഞെടുപ്പ് വോട്ടെണ്ണല്‍ പുരോഗമിക്കുമ്പോള്‍ പാലക്കാട്ട് യുഡിഎഫിനു ഞെട്ടിപ്പിക്കുന്ന മുന്നേറ്റം. മൂന്നാം റൗണ്ട് വോട്ട് എണ്ണുമ്പോള്‍ 708 വോട്ടുമായാണ് യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തില്‍ മുന്നിട്ടുനില്‍ക്കുന്നത്. ബിജെപി ശക്തികേന്ദ്രമായ പാലക്കാട് നഗരസഭയിലാണ് എന്‍ഡിഎ സ്ഥാനാര്‍ഥി സി. കൃഷ്ണകുമാറിനെ രാഹുല്‍ പിന്നിലാക്കിയത്.
ചേലക്കര, വയനാട് ഉപതെരഞ്ഞെടുപ്പുകളുടെ വോട്ടെണ്ണല്‍ പുരോഗമിക്കുന്നു. പോസ്റ്റല്‍ വോട്ടുകള്‍ എണ്ണിക്കഴിഞ്ഞപ്പോള്‍ പാലക്കാട് ബിജെപിയും ചേലക്കരയില്‍ സിപിഎമ്മും വയനാട്ടില്‍ യുഡിഎഫുമാണ് മുന്നിട്ട് നിന്നത്. ഈ സ്ഥിതി തന്നെയാണ് ഇപ്പോഴും തുടരുന്നത്.
ഏറ്റവും ഒടുവിലെ കണക്കുകള്‍ പ്രകാരം പ്രിയങ്ക ഗാന്ധിയുടെ ലീഡ് അരലക്ഷവും കടന്നു. ചേലക്കരയില്‍ യു.ആര്‍.പ്രദീപ് 5,834 വോട്ടിനും മുന്നിട്ടുനില്‍ക്കുകയാണ്.
