കോഴിക്കോട്: സിനിമ -സീരിയല്‍ താരം മേഘനാഥന്റെ നിര്യാണത്തില്‍ മലയാള ചലച്ചിത്രകാണികള്‍ (മക്കള്‍) അനുശോചനം രേഖപ്പെടുത്തി. പ്രശസ്ത നടന്‍ ബാലന്‍ കെ നായരുടെ മകന്‍ ആണെങ്കിലും പ്രതിനായക വേഷങ്ങളിലൂടെ സിനിമാ- സീരിയല്‍ മേഖലകളില്‍ തനതായ വ്യക്തിമുദ്ര പതിപ്പിച്ച അതുല്യ പ്രതിഭയായിരുന്നു മേഘനാഥനെന്ന് മലയാള ചലച്ചിത്ര കാണികള്‍(മക്കള്‍ ) സംസ്ഥാന പ്രസിഡന്റ് ഷെവലിയാര്‍ സി ഇ ചാക്കുണ്ണി, സെക്രട്ടറി എ. ശിവശങ്കരന്‍ എന്നിവര്‍ അനുസ്മരിച്ചു.
1983 ല്‍ പി.എന്‍ മേനോന്‍ സംവിധാനം ചെയ്ത ‘ അസ്ത്രം’ എന്ന ചിത്രത്തിലൂടെ രംഗപ്രവേശനം ചെയ്ത് 60 ഓളം സിനിമകളില്‍ അഭിനയിച്ച അദ്ദേഹത്തിന്റെ വിയോഗം മലയാള സിനിമാ മേഖലയ്ക്കും കലാപ്രേമികള്‍ക്കും തീരാനഷ്ടമാണെന്ന് അവര്‍ അഭിപ്രായപ്പെട്ടു.
സിനിമാ താരം മേഘനാഥന്റെ നിര്യാണത്തില്‍
അനുശോചിച്ചു
