കോഴിക്കോട്: പ്രശസ്ത മലയാള സിനിമാ നടന്‍ മേഘനാഥന്‍ അന്തരിച്ചു. കോഴിക്കോട് സ്വകാര്യ ആശുപത്രിയില്‍ ചികിത്സയില്‍ ഇരിക്കെ പുലര്‍ച്ചയാണ് മരണം.ശ്വാസകോശ സംബന്ധമായ രോഗത്തെ തുടര്‍ന്നാണ് അദ്ദേഹം ചികിതിസ തേടിയത്. 60 വയസ്സായിരുന്നു. നടന്‍ ബാലന്‍ കെ. നായരുടെ മകനാണ് മേഘനാഥന്‍.
1983 ല്‍ പുറത്തിറങ്ങിയ അസ്ത്രമാണ് ആദ്യ സിനിമ. പിന്നീട് പഞ്ചാഗ്‌നി, ചെങ്കോല്‍, ഈ പുഴയും കടന്ന്, ഉത്തമന്‍, വാസന്തിയും ലക്ഷ്മിയും പിന്നെ ഞാനും തുടങ്ങി നിരവധി സിനിമകളില്‍ മേഘനാഥന്‍ അഭിനയിച്ചു. വില്ലന്‍ വേഷത്തിലായിരുന്നു അദ്ദേഹം ശ്രദ്ധേയനായത്. ചെങ്കോലിലെ കീരിക്കാടന്‍ സണ്ണി അദ്ദേഹം ചെയ്ത മികച്ച കഥാപാത്രമാണ്. മേഘനാഥന്‍ സീരിയലുകളിലും പ്രത്യക്ഷപ്പെട്ടിരുന്നു. മലയാള ചലച്ചിത്രങ്ങള്‍ക്ക് പുറമെ തമിഴ് സിനിമകളിലും അഭിനയിച്ചിട്ടുണ്ട്. ഷൊര്‍ണൂരിലെ വീട്ടിലാകും സംസ്‌കാരം.
പ്രശസ്ത സിനിമാ നടന്‍ മേഘനാഥന്‍ അന്തരിച്ചു
