പരിഷത്ത് ജാഥ ഇന്ന് ഉച്ചയ്ക്ക് പേരാമ്പ്രയിലും വൈകുന്നേരം മേപ്പയ്യൂര്‍ ടൗണിലും
കോഴിക്കോട്: കേരള ശാസ്ത്ര സാഹിത്യ പരിഷത്ത് സംസ്ഥാന ജാഥ ഇന്ന് കോഴിക്കോട് ജില്ലയില്‍ പര്യടനം നടത്തും. രാവിലെ 9 മണിക്ക് പൂനൂര്‍, ഉച്ചയ്ക്ക് 11.30 ന് കക്കഞ്ചേരി , ഉച്ച ശേഷം 1.30 ന് പേരാമ്പ്ര, വൈകുന്നേരം നാലുമണി മേപ്പയ്യൂര്‍ ടൗണില്‍ നടുക്കണ്ടി കോംപ്ലക്‌സ്, ആറുമണി കക്കട്ടില്‍. ജാഥ തുടങ്ങി ഏഴാം ദിവസത്തെ പര്യടനം ആണ് ഇന്ന് നടക്കുന്നത് . കെ കെ ശിവദാസന്‍ , പി എന്‍ അജയന്‍ , ധന്യാ റാം, പി കെ സതീഷ് എന്നിവരാണ് ജാഥ അംഗങ്ങള്‍ . ഹരീഷ് ഹര്‍ഷ മാനേജരും പരിഷത്ത് സംസ്ഥാന പ്രസിഡന്റ് ടി കെ മീരാഭായി ജാഥാ ക്യാപ്റ്റനുമാണ്. ഡോക്ടര്‍ പി വി പുരുഷോത്തമനാണ് വൈസ് ക്യാപ്റ്റന്‍. തോല്‍പ്പിച്ചാല്‍ നിലവാരം കൂടുമോ എന്ന ചോദ്യം ഉയര്‍ത്തിയാണ് വിദ്യാഭ്യാസ മേഖലയിലെ പ്രശ്‌നങ്ങളെ അടിസ്ഥാനപ്പെടുത്തി പരിഷത്തിന്റെ ജാഥ പ്രയാണം തുടരുന്നത്.
