സര്‍ഗാലയയില്‍ ആണ്ടുതോറും നടത്തിവരുന്ന സര്‍ഗാലയ അന്താരാഷ്ട്ര കലാ-കരകൗശലമേള(SIACF)യുടെ പുതിയ എഡിഷന്റെ ലോഗോ പി. ടി. ഉഷ എംപി പ്രകാശനം ചെയ്തു. സര്‍ഗാലയ ജനറല്‍ മാനേജര്‍ ടി. കെ. രാജേഷ്, ഓപ്പറേഷന്‍സ് മാനേജര്‍ ആര്‍. അശ്വിന്‍, ക്രാഫ്റ്റസ് ഡിസൈനര്‍ കെ. കെ. ശിവദാസന്‍, ഫിനാന്‍സ് മാനേജര്‍ എസ്. നിപിന്‍ എന്നിവര്‍ സംബന്ധിച്ചു.
ഡിസംബര്‍ 20 മുതല്‍ ജനുവരി 6 വരെ നടക്കുന്ന മേളയില്‍ 15-ലധികം രാജ്യങ്ങളില്‍നിന്നുള്ള കരകൗശലവിദഗ്ദ്ധരും കലാകാരരും പങ്കെടുക്കും. ഇന്‍ഡ്യയിലെ എല്ലാ സംസ്ഥാനത്തുംനിന്നുള്ള കരകൗശലവിദഗ്ദ്ധരെയും പ്രതീക്ഷിക്കുന്നു. പരമ്പരാഗതവും ആനുകാലികവുമായ കരകൗശലമികവിന്റെ അപൂര്‍വ്വദൃശ്യവിരുന്ന് ആകാറുള്ള സര്‍ഗ്ഗാലയാമേളയുടെ ലോഗോ കലയുടെയും കരകൗശലത്തിന്റെയും സാംസ്‌ക്കാരികാഘോഷങ്ങളുടെയും അന്തഃസത്ത വിളംബരം ചെയ്യുന്നതാണ്.
സര്‍ഗ്ഗാലയ കരകൗശലമേള: ലോഗോ പ്രകാശനം ചെയ്തു
