ഷാര്‍ജ: കവി കുഴൂര്‍ വില്‍സന്റെ ‘ കുഴൂര്‍ വില്‍സന്റെ കവിതകള്‍’ എന്ന കൃതിയുടെ പരിഷ്‌കരിച്ച പതിപ്പ് ഷാര്‍ജ രാജ്യാന്തര പുസ്തക മേളയില്‍ പ്രകാശനം ചെയ്തു. മാധ്യമ പ്രവര്‍ത്തകന്‍ കെ പി കെ വെങ്ങര, സിന്ധു വി എസ് എന്നിവര്‍ ചേര്‍ന്നാണ് പ്രകാശനം നിര്‍വഹിച്ചത്. ചിരന്തന ബുക്ക് സ്റ്റാളില്‍ നടന്ന പ്രകാശന ചടങ്ങില്‍ ചിരന്തന പ്രസിഡന്റ് പുന്നക്കന്‍ മുഹമ്മദലി അധ്യക്ഷത വഹിച്ചു. കവി പി ശിവപ്രസാദ് മുഖ്യ പ്രഭാഷണം നടത്തി. രമേഷ് പെരുമ്പിലാവ്, കെ രഘുനന്ദനന്‍, അനില്‍ നായര്‍ എന്നിവര്‍ പ്രസംഗിച്ചു. കുഴൂര്‍ വില്‍സണ്‍ കവിത ചൊല്ലുകയും മറുപടി പ്രസംഗം നടത്തുകയും ചെയ്തു. മാധ്യമ പ്രവര്‍ത്തകന്‍ റോയ് റാഫേല്‍ അവതാരകനായി.
കുഴൂര്‍ വില്‍സന്റെ പുസ്തകം പ്രകാശനം ചെയ്തു
