കോഴിക്കോട്: സാഹിത്യകാരന്‍ ഗിരീഷ് പെരുവയലിന്റെ 21 കവിതകള്‍ അടങ്ങുന്ന പുതിയ കവിതാ സമാഹാരമായ അരി കൊമ്പന്റെ കവര്‍പേജ് ചലച്ചിത്ര നിര്‍മ്മാതാവും സംവിധായകനും തിരക്കഥാകൃത്തുമായ സമദ് മങ്കട പ്രകാശനം ചെയ്തു. പ്രശസ്ത ചിത്രകാരനായ രാജേന്ദ്രന്‍ പുല്ലൂരാണ് കവര്‍പേജ് രൂപകല്പന ചെയ്തത്. സേവാസമിതി പ്രസിഡണ്ട് സുരേഷ് മീനാ സദനം അധ്യക്ഷത വഹിച്ചു. രാജേന്ദ്രന്‍ പുല്ലൂര്‍, സംഗീത സംവിധായകന്‍ വിജയന്‍ കോവൂര്‍, കവി ടി.പി. സി വളയന്നൂര്‍, ഷാനവാസ് കണ്ണഞ്ചേരി, രവികുമാര്‍ പനോളി, സി.ടി സുകുമാരന്‍, കൃഷ്ണന്‍ തുഷാര, ബാബു അടുവാട്, ജോസ് പെരുവയല്‍, വാസുദേവന്‍, സി. ഡി.കുറുപ്പ്, ജി. ആര്‍.വാര്യര്‍ എന്നിവര്‍ ആശംസകള്‍ അറിയിച്ചു.കവി ഗിരീഷ് പെരുവയല്‍ മറുമൊഴി നടത്തി.എം പി ബിജു സ്വാഗതം പറഞ്ഞു. പുസ്തകത്തിന്റെ ഔദ്യോഗിക പ്രകാശനം നവംബര്‍ 17ന് ഷാര്‍ജ അന്താരാഷ്ട്ര പുസ്തക മേളയില്‍ വെച്ച് നടക്കും.
കവര്‍പേജ് പ്രകാശനം ചെയ്തു
