ദുബായ്: 43 മത് ഷാര്‍ജാ അന്താരാഷ്ട്ര പുസ്തകോത്സവത്തില്‍ ചിരന്തന പബ്ബിക്കേഷന്റെ സ്റ്റാള്‍ തമീം അബൂബക്കര്‍ നാളെ ഉല്‍ഘാടനം ചെയ്യും.
പുതിയ ഇരുന്നൂറോളം പുസ്തകങ്ങള്‍ ചിരന്തന പബ്ലിക്കേഷന്‍സിന്റെ നേതൃത്വത്തിലുള്ള ഹാള്‍ നമ്പര്‍ 7-ലെ ZE -2 സ്റ്റാളില്‍ ലഭ്യമാവും. പുതിയ എഴുത്തുക്കാരുടെ പുസ്തകങ്ങളുടെ പ്രകാശനവും നടക്കുമെന്ന് ചിരന്തന പ്രസിഡണ്ട് പുന്നക്കന്‍ മുഹമ്മദലി പറഞ്ഞു.
പുസ്തകങ്ങള്‍ സംസാരിക്കുന്നു എന്ന ആശയത്തിലൂന്നിയാണ് ഷാര്‍ജാ പുസ്തകോത്സവം കൊടിയേറുന്നത്. നവംബര്‍ 6തൊട്ടു 17വരെയുള്ള 11 ദിവസങ്ങളിലായാണ് അന്താരാഷ്ട്ര പുസ്തകപ്പൂരം നീണ്ടുനില്‍ക്കുക.
പ്രതിപക്ഷ നേതാവ് രാഹുല്‍ ഗാന്ധി, മുന്‍ മുഖ്യമന്ത്രി ഉമ്മന്‍ ചാണ്ടി, പണക്കാട് തങ്ങന്‍മാര്‍ എന്നിവരെ കുറിച്ചുള്ള പുസ്തകങ്ങള്‍ അടക്കം നിരവധി പുസ്തകങ്ങള്‍ സ്റ്റാളില്‍ ലഭ്യമാണ്.
ചിരന്തന പബ്ലിക്കേഷന്‍ സ്റ്റാള്‍
ഉദ്ഘാടനം നാളെ
