വിഷിംങ്ടണ്‍; അമേരിക്കയിലെ ഇതിഹാസ സംഗീത സംവിധായകന്‍ ക്വിന്‍സി ജോണ്‍സ് (90) അന്തരിച്ചു. കാലിഫോര്‍ണിയയിലെ ബെല്‍ എയറിലെ വസതിയിലാണ് അദ്ദേഹത്തിന്റെ അന്ത്യം.സംഗീത സംവിധാന ജീവിതത്തില്‍ 28 ഗ്രാമി അവാര്‍ഡുകളാണ് ക്വിന്‍സി സ്വന്തമാക്കിയത്. മൈക്കിള്‍ ജാക്‌സണ്‍, ഫ്രാങ്ക് സിനാത്ര എന്നിവരോടൊപ്പം സംഗീത രംഗത്ത് പ്രവര്‍ത്തിച്ചിട്ടുണ്ട്. മൈക്കല്‍ ജാക്സണുമൊന്നിച്ച് 1979ല്‍ സോളോ ആല്‍ബമായ ഓഫ് ദവാളുലൂടെയാണ് അദ്ദേഹം കൂടുതല്‍ ജനപ്രീതി നേടിയത്. 2001ലാണ് ക്യു എന്ന തന്റെ ആത്മകഥ പുറത്തിറക്കിയത് . മൈക്കല്‍ കെയ്ന്‍ അഭിനയിച്ച 1969 ല്‍ പുറത്തിറങ്ങിയ ദി ഇറ്റാലിയന്‍ ജോബ് എന്ന് ചിത്രത്തിന്റെ സൗണ്ട് ട്രാക്ക് ഒരുക്കിയും അദ്ദേഹമാണ്.ബാക്ക് ഓണ്‍ ദി ബ്ലോക്ക് എന്ന ആല്‍ബത്തില്‍ തന്നെ 1990ല്‍ ആറ് ഗ്രാമി അവാര്‍ഡ് ക്വിന്‍സി സ്വന്തമാക്കി.മൂന്ന് തവണ പ്രൊഡ്യൂസര്‍ ഓഫ് ദി ഇയര്‍ ബഹുമതി ലഭിച്ചു. മൂന്ന് തവണ വിവാഹിതനായ ക്വിന്‍സിക്ക് 7 മക്കളുണ്ട്.
ക്വിന്‍സി ജോണ്‍സ് അന്തരിച്ചു
