കോഴിക്കോട്: ഭാഷാസമന്വയ വേദി മലയാള വാരാഘോഷത്തോടനുബന്ധിച്ച് പത്രഭാഷയും സാഹിത്യ ഭാഷയും എന്ന വിഷയത്തില്‍ ചര്‍ച്ച സംഘടിപ്പിച്ചു. ഡോ.സി.രാജേന്ദ്രന്‍ പരിപാടി ഉദ്ഘാടനം ചെയ്തു. ഡോ. പി.കെ.രാധാമണി അധ്യക്ഷയായിരുന്നു. പത്രപ്രവര്‍ത്തകയും യുവ നോവലിസ്റ്റുമായ അനന്യ ജി. പത്രഭാഷയും സാഹിത്യ ഭാഷയും എന്ന വിഷയമവതരിപ്പിച്ചു. വിവര്‍ത്തന പഠനത്തിന് ഭാരതീയ അനുവാദ് പരിഷത്തിന്റ നാതാലിപുരസ്‌കാരം ലഭിച്ച ഡോ.ആര്‍സുവിനെ ആദരിച്ചു. അമര്‍നാഥ് പള്ളത്ത് ഷാളണിയിച്ചു.പി.ടി രാജലക്ഷ്മി ഉപഹാരം നല്‍കി. ഡോ.ഒ വാസവന്‍, കെ.ജി.രഘുനാഥ്, ഡോ.സി.സേതുമാധവന്‍, രമ ചെപ്പ്, ഒ.കുഞ്ഞിക്കണാരന്‍, ഇ.കെ. സ്വര്‍ണ്ണകുമാരി എന്നിവര്‍ സംസാരിച്ചു. ഗുജറാത്തി മാതൃഭാഷയായ ആര്‍.ജയന്ത് കുമാര്‍ തന്റെ മലയാള ഭാഷാ പഠനാനുഭവങ്ങള്‍ പങ്കുവെച്ചു.കെ.എംവേണുഗോപാല്‍ കവിത ആലപിച്ചു.
മലയാള വാരാഘോഷം-പത്രഭാഷയും സാഹിത്യ ഭാഷയും ചര്‍ച്ച സംഘടിപ്പിച്ചു
