കോഴിക്കോട്:ശ്രീ നാരായണ ഗുരുദേവന്റെ പാദസ്പര്‍ശമേറ്റ വെസ്റ്റ് ഹില്‍ അത്താണിക്കല്‍ ശ്രീ നാരായണ ഗുരുവരാശ്രമത്തില്‍ നടന്ന തുലാമാസ വാവ് ബലിതര്‍പ്പണത്തിന് നൂറ് കണക്കിന് ഭക്തജനങ്ങള്‍ പങ്കെടുത്തു. സ്ത്രീകള്‍ക്കും വയോജനങ്ങള്‍ക്കും ഭിന്നശേഷിക്കാര്‍ക്കും പ്രത്യേക സൗകര്യം ഏര്‍പ്പെടുത്തിയതിനാല്‍ ധാരാളം പേര്‍ പങ്കെടുത്തു. ബലികര്‍മത്തിന് ഗുരുവരാശ്രമം മേല്‍ശാന്തി വേങ്ങേരി പ്രസൂണ്‍ ശാന്തികള്‍ നേതൃത്വം നല്‍കി. വാവ് ബലിതര്‍പ്പണത്തോടനുബന്ധിച്ച് സംഘടിപ്പിച്ച തിലഹോമത്തിലും ഭക്തര്‍ നേരിട്ട് പങ്കാളികളായി. ഗുരുവരാശ്രമ ദേവസ്വം ഭാരവാഹികളായ ശാലിനി ബാബുരാജ്, സുജ നിത്യാനന്ദ്, ഷമീന ടി കെ ,അനില്‍കുമാര്‍ അത്താണി എന്നിവര്‍ നേതൃത്വം നല്‍കി.
അത്താണിക്കല്‍ ശ്രീ നാരായണ ഗുരുവരാശ്രമത്തില്‍
തുലാമാസ വാവ് ബലിതര്‍പ്പണം നടത്തി
