കൊയിലാണ്ടി: താലൂക്കില്‍ കര്‍ഷകപ്രസ്ഥാനവും കമ്മ്യൂണിസ്റ്റ് പാര്‍ട്ടിയും കെട്ടിപ്പെടുക്കുന്നതില്‍ നേതൃത്വപരമായ പങ്ക് വഹിച്ച ഏകീകൃത മേപ്പയ്യൂര്‍ ഗ്രാമപഞ്ചായത്തിന്റെ പ്രഥമ പ്രസിഡന്റായിരുന്ന എം.കെ. ചാപ്പന്‍ നായരുടെ 46ാം ചരമവാര്‍ഷികദിനം ആചരിച്ചു. മേപ്പയൂര്‍ നരിക്കുനിയില്‍ ചേര്‍ന്ന അനുസ്മരണസമ്മേളനം സി.പി.ഐ എം പേരാമ്പ്ര ഏരിയാ സെക്രട്ടറി എം. കുഞ്ഞമ്മത് ഉദ്ഘാടനം ചെയ്തു. ലോക്കല്‍ കമ്മറ്റി സെക്രട്ടറി കെ.കുഞ്ഞിക്കണ്ണന്‍ അധ്യക്ഷത വഹിച്ചു.ഗ്രാമപഞ്ചായത്ത് പ്രസിഡന്റ് കെ.ടി.രാജന്‍ അനുസ്മരണ പ്രഭാഷണം നടത്തി. ഏരിയാകമ്മറ്റി അംഗം പി.പി. രാധാകൃഷ്ണന്‍ കെ. കുഞ്ഞിരാമന്‍ എന്നിവര്‍ പ്രസംഗിച്ചു. നരിക്കുനി ബ്രാഞ്ച് സെക്രട്ടറി പി.കെ.പ്രകാശന്‍ സ്വാഗതം പറഞ്ഞു.
കെ.കുഞ്ഞിരാമന്‍ പതാക ഉയര്‍ത്തി.
എം.കെ. ചാപ്പന്‍ 46-ാം ചരമവാര്‍ഷികദിനം ആചരിച്ചു
