കോഴിക്കോട്: എം ഇ എസ് സിബിഎസ്ഇ സ്‌കൂള്‍ ടീച്ചേഴ്‌സ് മീറ്റ് നാളെ (5)ന് കാളന്‍തോട് എം ഇ എസ് രാജ റസിഡന്‍ഷ്യല്‍ സ്‌കൂളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. പരിപാടിയുടെ ഉദ്ഘാടനം കാലത്ത് 9.30ന് എം ഇ എസ് സംസ്ഥാന പ്രസിഡണ്ട് ഡോ.ഫസല്‍ഗഫൂര്‍ നിര്‍വ്വഹിക്കും. 25 സ്‌കൂളുകളില്‍ നിന്നായി 1500 ഓളം അധ്യാപകര്‍ സംഗമത്തില്‍ പങ്കെടുക്കും. സ്തുത്യര്‍ഹമായ സേവനമനുഷ്ഠിച്ച അധ്യാപകരെ ചടങ്ങില്‍ ആദരിക്കും. കില ട്രെയിനര്‍ സുരേഷ് ബാബു മോട്ടിവേഷന്‍ ക്ലാസ്സ് നയിക്കും. തുടര്‍ന്ന് അധ്യാപകരുടെ കലാപരിപാടികള്‍ അരങ്ങേറും. എം ഇ എസിന്റെ പ്രഥമ സ്‌കൂളായ രാജ റസിഡന്‍ഷ്യല്‍ സ്‌കൂളിന്റെ 50-ാം വാര്‍ഷികാഘോഷങ്ങളുടെ ഭാഗമായി നിര്‍മ്മാണം പൂര്‍ത്തിയാക്കിയ ഔട്ട്‌ഡോര്‍ ഓഡിറ്റോറിയം, സോളാര്‍ പവര്‍ പ്രൊജക്ട്, ഓട്ടോമാറ്റിക് ലോണ്ടറി, നവീകരിച്ച കിച്ചണ്‍ എന്നിവയുടെ ഉദ്ഘാടനവും നടക്കും. വാര്‍ത്താസമ്മേളനത്തില്‍ കെ.എം.ഡി.മുഹമ്മദ്, പി.എച്ച് മുഹമ്മദ്, കെ.മുഹമ്മദ് ഷാഫി, എന്‍.കെ.അബൂബക്കര്‍, ഹസ്സന്‍ തിക്കോടി, ബാലകൃഷ്ണന്‍. വി.എന്‍, രമേഷ്‌കുമാര്‍. സി.എസ് പങ്കെടുത്തു.
