കോഴിക്കോട്:എന്‍.ആര്‍.ഐ കൗണ്‍സില്‍ ഓഫ് ഇന്ത്യയുടെ സെന്‍ട്രല്‍ കമ്മിറ്റി ഭാരവാഹികള്‍ കാരന്തൂര്‍ മര്‍ക്കസും നോളേജ് സിറ്റിയും സന്ദര്‍ശിച്ചു. ചെയര്‍മാന്‍ പ്രവാസി ബന്ധു ഡോ. എസ് . അഹമ്മദ്, രക്ഷാധികാരി നാസര്‍ കറുകപ്പാടത്ത്, ആഗോള വാര്‍ത്ത യു ട്യൂബ് ചാനല്‍ ഖത്തര്‍ ചീഫ് എഡിറ്റര്‍ നൗഷാദ്, ദുബായ് അഖ്‌സ ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടര്‍ ഫൈസല്‍ അഖ്‌സ, സാമൂഹ്യ പ്രവര്‍ത്തകനായ എം.എ. ഹമീദ് കക്കം എന്നിവരെ കേരള ഹജ്ജ് കമ്മിറ്റി ചെയര്‍മാനും കാന്തപുരം മര്‍ക്കസ് മേധാവിയുമായ മുഹമ്മദ് ഫൈസി മുസലിയാര്‍ ഷാള്‍ അണിയിച്ച് ആദരിച്ചു. പ്രവാസി ഭാരതിയും എന്‍ആര്‍ഐ സമൂഹവും നല്‍കിയ സഹായങ്ങള്‍ ഒരിക്കലും വിസ്മരിക്കുകയില്ലെന്നും ഫൈസി മുസലിയാര്‍ പറഞ്ഞു. തുടര്‍ന്ന് ഉസ്താദ് എ.പി. അബൂബക്കര്‍ മുസലിയാരെ സന്ദര്‍ശിച്ചു.
സംഘത്തോട് ഉസ്താദ് അന്വേഷണങ്ങള്‍ ആരായുകയും പ്രത്യേക പ്രാര്‍ത്ഥന നടത്തുകയും ചെയ്തു.
