മുംബൈ: കനത്ത മഴയെത്തുടര്‍ന്നു റോഡുകളിലും റെയില്‍വേ ട്രാക്കുകളിലും വെള്ളം കയറിയതു ഗതാഗത തടസ്സം സൃഷ്ടിച്ചു. നഗരത്തില്‍ വെള്ളക്കെട്ടുകളും രൂപം കൊണ്ടു.വിമാന സര്‍വീസുകളെയും മഴ പ്രതികൂലമായി ബാധിച്ചേക്കും. മുകേഷ് അംബാനിയുടെ മകന്‍ അനന്ത് അംബാനിയുടെ ഇന്നു നടക്കുന്ന വിവാഹത്തിനു ഒട്ടേറെ വിമാനങ്ങള്‍ ചാര്‍ട്ടര്‍ ചെയ്തിട്ടുണ്ട്. പ്രതികൂല കാലാവസ്ഥ ഈ വിമാനങ്ങളേയും ബാധിച്ചേക്കാം.
വിവാഹവുമായി ബന്ധപ്പെട്ട് നൂറിലധികം വിമാനങ്ങളാണ് മുംബൈയിലേക്ക് എത്താനിരിക്കുന്നത്. വെള്ളിയാഴ്ച നഗരത്തിലുടനീളം യെലോ അലര്‍ട്ട് പ്രഖ്യാപിച്ചിട്ടുണ്ട്. നവി മുംബൈയിലും താനെയിലും ഓറഞ്ച് അലര്‍ട്ടാണ്. അനന്ത് അംബാനിയുടെ വിവാഹ ആഘോഷങ്ങള്‍ നടക്കുന്ന ബാന്ദ്രയിലെ കുര്‍ള കോംപ്ലക്സിനു സമീപത്ത് മുംബൈ പൊലീസ് ഗതാഗത നിയന്ത്രണം ഏര്‍പ്പെടുത്തിട്ടുണ്ട്.
അനന്ദ് അംബാനിയുടെ വിവാഹത്തിന് പ്രധാനമന്ത്രി നരേന്ദ്ര മോദി സംബന്ധിക്കും.മുകേഷ് അംബാനി ഡല്‍ഹിലെത്തി സോണിയാ ഗാന്ധിയേയും രാഹുലിനെയും വിവാഹത്തിന് ക്ഷണിച്ചെങ്കിലും ഗാന്ധി കുടുംബം വിവാഹത്തില്‍ പങ്കെടുക്കില്ല.
മുംബൈയില്‍ കനത്തമഴ
