‘എസ്.കെ ആശുപത്രിയിലാണ് പുസ്തക പ്രകാശനം നാളെ
വടകര: ഉസ്മാന്‍ ഒഞ്ചിയം ഒരിയാന രചിച്ച് പീപ്പിള്‍സ് റിവ്യു പബ്ലിക്കേഷന്‍സ് പ്രസിദ്ധീകരിക്കുന്ന ‘എസ്‌കെ ആശുപത്രിയിലാണ്’ (ചെറുകഥാ സമാഹാരം) നാളെ വൈകീട്ട് 3ന് വടകര മുന്‍സിപ്പല്‍ പാര്‍ക്കില്‍ നടക്കുന്ന ചടങ്ങില്‍ വെച്ച് പ്രശസ്ത സാഹിത്യകാരന്‍ പിആര്‍ നാഥന്‍ പി ഹരീന്ദ്ര നാഥിന് (ചരിത്ര ഗ്രന്ഥ രചയിതാവ്) നല്‍കി പ്രകാശനം ചെയ്യും. കടത്തനാട് ലിറ്ററേച്ചര്‍ സൊസൈറ്റി ചെയര്‍മാന്‍ അഡ്വ. ഐ മൂസ അദ്ധ്യക്ഷത വഹിക്കും. ഒഞ്ചിയം ഗ്രാമ പഞ്ചായത്ത് പ്രസിഡന്റ് ശ്രീജിത്ത് പി മുഖ്യാതിഥിയാകും. കുഞ്ഞിപ്പ പുതുപ്പള്ളി (ഗാന രചയിതാവ് ) പുസ്തക പരിചയം നടത്തും. എംകെ ഉസ്മാന്‍ (സിറ്റിസണ്‍ ഗ്രൂപ്പ് കോഴിക്കോട്) വിശിഷ്ട സാന്നിധ്യമാകും. എം . എ . ജോണ്‍സണ്‍ (സെക്രട്ടറി ദര്‍ശനം സാംസ്‌കാരിക വേദി കോഴിക്കോട്), ലോക കേരള സഭാംഗം ജമാല്‍ വില്യാപള്ളി, വടയക്കണ്ടി നാരായണന്‍ (കവി), വി.പി സദാനന്ദന്‍ മാസ്റ്റര്‍ മുന്‍ ഡെപ്യൂട്ടി രജിസ്ട്രാര്‍. കാലിക്കറ്റ് യൂണിവേഴ്സിറ്റി), അബ്ദുള്ളക്കോയ കണ്ണങ്കടവ് (വചനം ബുക്സ് കോഴിക്കോട്), പി സഫിയ (സംസ്ഥാന വനിതാ വിങ് പ്രസിഡന്റ് ലഹരി നിര്‍മാര്‍ജന സമിതി), അലി കൊയിലാണ്ടി (ജനറല്‍ സെക്രട്ടറി ഓര്‍മത്തണല്‍ ), റൂബി (നാടക സംവിധായകന്‍) യുസഫ് എം . കെ സാമൂഹ്യ പ്രവര്‍ത്തകന്‍ ), ഇബ്രാഹിം പി.കെ (സാമൂഹ്യ പ്രവര്‍ത്തകന്‍),പീപ്പിള്‍സ് റിവ്യൂ പബ്ലിക്കേഷന്‍സ് ചീഫ് എഡിറ്റര്‍ പി.ടി നിസാര്‍ ആശംസകള്‍ നേരും. ഉസ്മാന്‍ ഒഞ്ചിയം ഒരിയാന മറുമൊഴി നടത്തും. ഇപ്റ്റ് വടകര മണ്ഡലം സെക്രട്ടറി റഷീദ് ടിപി സ്വാഗതവും സ്വാഗത സംഘം കണ്‍വീനര്‍ ഷൗക്കത്ത് നന്ദിയും പറയും.
