സ്വതന്ത്ര ബുക്‌സ് പ്രസിദ്ധീകരിച്ച മെറിന്‍ റോസ് എം. രചിച്ച ചെറുകഥാ സമാഹാരം കല്ലറ യുദ്ധം പ്രകാശനം ചെയ്തു. പാറത്തോട് ഭാവചിത്ര ഗ്രന്ഥശാലയുടെ നേതൃത്വത്തില്‍, ഇടിയം വയല്‍ കമ്മ്യൂണിറ്റി ഹാളില്‍ നടന്ന ചടങ്ങില്‍ എഴുത്തുകാരനായ താജ് മന്‍സൂര്‍ പുസ്തകം പ്രകാശനം ചെയ്തു. പൊഴുതന ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയര്‍ പെഴ്‌സണ്‍ സുധ അനില്‍ പുസ്തകം ഏറ്റുവാങ്ങി. പൊഴുതന ഗ്രാമ പഞ്ചായത്ത് പ്രസിഡണ്ട് അനസ് റോസ്‌ന സ്റ്റെഫി ചടങ്ങ് ഉദ്ഘാടനം ചെയ്തു. വൈത്തിരി താലൂക്ക് ലൈബ്രറി കൗണ്‍സില്‍ പ്രസിഡണ്ട് സി.കെ. രവീന്ദ്രന്‍ അദ്ധ്യക്ഷനായിരുന്നു. അബ്ദുള്‍ നാസര്‍, ജെയിംസ് ജോസഫ്, അബ്ബാസ് എ.പി., സുനീഷ് തോമസ്, ബെറ്റി ജോണ്‍, മുജീബ് റഹ്‌മാന്‍ എന്നിവര്‍ സന്നിഹിതരായിരുന്നു. മെറിന്‍ റോസ് എം. മറുമൊഴി നടത്തി. ഭാവചിത്ര ഗ്രന്ഥശാല വൈസ് പ്രസിഡണ്ട് സെബാസ്റ്റ്യന്‍ എ.പി. നന്ദി പറഞ്ഞു.
കല്ലറ യുദ്ധം (ചെറുകഥാ സമാഹാരം)
പ്രകാശനം ചെയ്തു
