കോഴിക്കോട് : സംസ്ഥാന വൈദ്യുതി ബോര്‍ഡ്, എനര്‍ജി മാനേജ്‌മെന്റ് സെന്റര്‍ – കേരള, ബ്യൂറോ ഓഫ് എനര്‍ജി എഫിഷ്യന്‍സി എന്നിവയുടെ നേതൃത്വത്തില്‍ അത്താണിക്കല്‍ പ്രോഗ്രസീവ് ഗ്രന്ഥാലയുമായി സഹകരിച്ച് കാളാണ്ടിത്താഴം ദര്‍ശനം സാംസ്‌കാരികവേദി ഊര്‍ജ കിരണ്‍ കാമ്പയിന്‍ സംഘടിപ്പിച്ചു. പ്രോഗ്രസീവ് ഗ്രന്ഥശാലയില്‍ നടന്ന വേനല്‍ക്കാല ഊര്‍ജ സംരക്ഷണ പ്രചാരണം തോട്ടത്തില്‍ രവീന്ദ്രന്‍ എം എല്‍ എ ഉദ്ഘാടനം ചെയ്തു. 72 -ാം വാര്‍ഡ് കൗണ്‍സിലര്‍ എം കെ മഹേഷ് അധ്യക്ഷനായി. കോഴിക്കോട് താലൂക്ക് ലൈബ്രറി കൗണ്‍സില്‍ സെക്രട്ടറി വി സുരേഷ് ബാബു, കെ എസ് ഇ ബി വെസ്റ്റ് ഹില്‍ സബ്ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ രജനി പി.നായര്‍, നെസ്റ്റ് റസിഡന്‍സ് അസോസിയേഷന്‍ പ്രസിഡന്റ് അഡ്വ. കെ പി മോഹന്‍ദാസ്, ലൈബ്രറി പ്രസിഡന്റ് കെ പവിത്രന്‍, സെക്രട്ടറി ഐ ദിനേശന്‍ എന്നിവര്‍ പ്രസംഗിച്ചു. ‘ആഗോളതാപന കാലത്ത് ഊര്‍ജപ്രതിസന്ധി, എങ്ങനെ പ്രതിരോധിക്കാം’ എന്ന വിഷയത്തില്‍ വടകര നോര്‍ത്ത് ഇലക്ട്രിക്കല്‍ സെക്ഷന്‍ അസിസ്റ്റന്റ് എഞ്ചിനീയര്‍ ഡി. ദ്വിപിന്‍ദാസ് മുഖ്യപ്രഭാഷണം നടത്തി. മുന്‍ കോര്‍പ്പറേഷന്‍ കൗണ്‍സിലര്‍ ആശാ ശശാങ്കന്‍, എ ഡി എസ് ചെയര്‍പേഴ്‌സണ്‍ ടി സജിത എന്നിവര്‍ ചര്‍ച്ചയില്‍ പങ്കെടുത്തു. കോര്‍പ്പറേഷന്‍ നോര്‍ത്ത് സി ഡി എസ് മെമ്പര്‍ പി ആര്‍ ഷിജു സ്വാഗതവും ദര്‍ശനം പരിസ്ഥിതി വേദി കണ്‍വീനര്‍ പി ബാബു ദാസ് നന്ദിയും പറഞ്ഞു.
