കോഴിക്കോട്: കേന്ദ്ര സിലബസ് സ്‌കൂളുകളുടെ 3-ാമത് സംസ്ഥാനതല കായിക മത്സരം – കേരള സെന്‍ട്രല്‍ സ്‌കൂള്‍ സ്‌പോര്‍ട്‌സ് മീറ്റ് 2023-24 5,6 തിയതികളില്‍ കാലിക്കറ്റ് യൂണിവേഴ്‌സിറ്റി സ്‌റ്റേഡിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. 5ന് രാവിലെ 9.30ന് കായിക വകുപ്പ് മന്ത്രി വി.അബ്ദുറഹിമാന്‍ ഉദ്ഘാടനം നിര്‍വ്വഹിക്കും. 1600ഓളം കായിക പ്രതിഭകളാണ് മത്സരത്തില്‍ പങ്കെടുക്കുന്നത്. വിജയികളാകുന്ന മത്സരാര്‍ത്ഥികള്‍ക്ക് സംസ്ഥാന സ്‌പോര്‍ട്‌സ് കൗണ്‍സിലിന്റെ മെറിറ്റ് സര്‍ട്ടിഫിക്കറ്റും, മത്സരാര്‍ത്ഥികള്‍ക്ക് പങ്കാളിത്ത സര്‍ട്ടിഫിക്കറ്റും നല്‍കും. വാര്‍ത്താസമ്മേളനത്തില്‍ ജില്ലാ സ്‌പോര്‍ട്‌സ് കൗണ്‍സില്‍ പ്രസിഡണ്ട് ഒ.രാജഗോപാല്‍, വൈസ് പ്രസിഡണ്ട് ഡോ.റോയ് ജോണ്‍, ഫാദര്‍ ജോണി കാഞ്ഞിരത്തിങ്കല്‍, പ്രഭു പ്രേംനാഥ്, മധു നായര്‍ എന്നിവര്‍ പങ്കെടുത്തു.
