കോഴിക്കോട്: കേരള ഗവ.വെറ്റിനറി ഓഫീസേഴ്‌സ് അസോസിയേഷന്‍ 11-ാമത് സംസ്ഥാന സമ്മേളനം മെലോഡിയ 2023 നാളെയും, മറ്റന്നാളുമായി (30,31) ഹോട്ടല്‍ ട്രിപെന്റയില്‍ നടക്കുമെന്ന് സംസ്ഥാന പ്രസിഡണ്ട് ഡോ. ദിലീപ് ചന്ദ്രന്‍ വാര്‍ത്താസമ്മേളനത്തില്‍ പറഞ്ഞു. പ്രതിനിധി സമ്മേളനം, പൊതുയോഗം, അവാര്‍ഡ് ദാനം, യാത്രയയപ്പ്, കലാസന്ധ്യ എന്നിവ സമ്മേളനത്തിന്റെ ഭാഗമായി നടക്കും. 30 ഉച്ചക്ക് 12 മണിക്ക് എം.കെ.രാഘവന്‍ എം.പി.സമ്മേളനം ഉദ്ഘാടനം ചെയ്യും. 31ന് വനം വകുപ്പ് മന്ത്രി എ.കെ.ശശീന്ദ്രന്‍ സമാപന സമ്മേളനം ഉദ്ഘാടനം ചെയ്യും. അടിക്കടി ഉണ്ടാകുന്ന ജന്തുജന്യ രോഗങ്ങള്‍ക്കെതിരെ ശക്തമായ ഇടപെടലാണ് നടത്തിക്കൊണ്ടിരിക്കുന്നതെന്ന് ഡോ.ദിലീപ് ചന്ദ്രന്‍.ഡി കൂട്ടിച്ചേര്‍ത്തു. വാര്‍ത്താസമ്മേളനത്തില്‍ ഡോ.ദിലീപ് ചന്ദ്രന്‍, ഡോ.കുര്യാക്കോസ് മാത്യു, ഡോ.സജി.കെ.എസ്, ഡോ.ബിനീഷ്.പി.പി എന്നിവര്‍ പങ്കെടുത്തു.
