മീനങ്ങാടി : സി പി ഐ കാരക്കുനി ബ്രാഞ്ചിന്റെ ആഭിമുഖ്യത്തില്‍ സൗജന്യ മെഡിക്കല്‍ ക്യാമ്പ് നടത്തി. ശ്രീ ശരദാ ഹോസ്പിറ്റലിന്റ സഹകരണത്തോടെയാണ് പരിപാടി സംഘടിപ്പിച്ചത്. നൂറോളം പേര്‍ പങ്കെടുത്ത ക്യാമ്പ് ജനപങ്കാളിത്വം കൊണ്ട് ശ്രദ്ധേയമായി. മാധ്യമ രംഗത്തെ ശ്രദ്ധേയമായ ഇടപെടലുകളെ മുന്‍ നിര്‍ത്തി മലനാട് ചാനല്‍ മീനങ്ങാടി ബ്യൂറോ റിപ്പോര്‍ട്ടര്‍ എന്‍ പി നാസറിന് മെമന്റോ നല്‍കി ചടങ്ങില്‍ ആദരിച്ചു. സി.പി.ഐ ബത്തേരി മണ്ഡലം സെക്രട്ടറി സജി വര്‍ഗീസ് ഉദ്ഘാടനം ചെയ്തു. ടി കെ മുസ്തഫ അധ്യക്ഷത വഹിച്ചു. എന്‍ ഫാരിസ്,ബിന്ദു സജി, ആശ അന്‍സില്‍, കെ ലിജ, കെ പി ഗോകുല്‍, ജിതിന്‍ ചന്ദ്രന്‍,കെ അഖില, റാണി നടവയല്‍ സംസാരിച്ചു.
