രാവിലെ എപ്പോഴും നല്ല ആഹാരങ്ങളാണ് കഴിക്കേണ്ടത്. ചിലര്‍ നല്ല ഹെല്‍ത്തിയാണ് എന്ന് കരുതി കഴിക്കുന്ന പലതും രാവിലെ കഴിക്കാന്‍ പാടില്ലാത്ത ആഹാരങ്ങളാണ്. എന്നാല്‍ ഇത് തെറ്റായ രീതിയെന്നാണ് ആരോഗ്യവിദഗ്ധര്‍ പറയുന്നത്.
ഇത്തരത്തില്‍ രാവിലെ കഴിക്കാന്‍ പാടില്ലാത്ത ആഹാരങ്ങള്‍ ഏതെല്ലാമെന്ന് നോക്കാം.
പാന്‍കേക്ക്
ചിലര്‍ രാവിലെ തന്നെ പ്രഭാത ഭക്ഷണമായി പാന്‍കേക്ക് കഴിക്കുന്നത് കാണാം. വളരെ പെട്ടെന്ന് തന്നെ തയ്യാറാക്കി ഉപയോഗിക്കാം എന്നതിനാലാണ് പലരും പാന്‍കേക്ക് തയ്യാറാക്കുന്നത്. എന്നാല്‍, രാവിലെ തന്നെ പാന്‍കേക്ക് പോലെയുള്ള ആണ്‍ഹെല്‍ത്തി ആഹാരങ്ങള്‍ കഴിച്ചാല്‍ അത് നിങ്ങളുടെ എനര്‍ജി കുറയ്ക്കാന്‍ കാരണമാകുന്നു. അതുപോലെ തന്നെ ഇത്തരത്തില്‍ ഒട്ടും ഹെല്‍ത്തിയല്ലാത്ത ആഹാരങ്ങള്‍ അമിതമായി കഴിക്കാനുള്ള ത്വരയും നിങ്ങളില്‍ വര്‍ദ്ധിക്കുന്നതാണ്.
ബിസ്‌ക്കറ്റ്
ചിലര്‍ രാവിലെ ചായയുടെ കൂടെ ബിസ്‌ക്കറ്റ്, അല്ലെങ്കില്‍ ബ്രെഡ് എന്നിവ കഴിക്കുന്നത് കാണാം. ഇത് ഒട്ടും ആരോഗ്യകരമല്ല. ഇത് ശരീരത്തിലെ എനര്‍ജി ഇല്ലാതാക്കാനും, അമിതമായി മധുരം ശരീര്തതിലേയ്ക്ക് എത്തുന്നതിനും കാരണമാകുന്നുണ്ട്. അതുപോലെ തന്നെ, ബിസ്‌ക്കറ്റിലും ബ്രെഡിലും മധുരം അമിതമായതിനാല്‍ തന്നെ ചിലപ്പോള്‍ നിങ്ങള്‍ക്ക് തലവേദന വരാന്‍ സാധ്യത കൂടുതലാണ്. രാവിലെ തന്നെ നിങ്ങളെ ഒട്ടും എനര്‍ജി ഇല്ലാത്തവരും അതുപോലെ, അസിഡിറ്റി പ്രശ്‌നങ്ങളാല്‍ ബുദ്ധിമുട്ടുകള്‍ അനുഭവിക്കാനും ഇത് കാരണമാകുന്നു.
ജ്യൂസ്
ചിലര്‍ ചായ കുടിക്കില്ല, പകരം, ഫ്രൂട്‌സ് ജ്യൂസ് കുടിക്കുന്നത് കാണാം. സത്യത്തില്‍ രാവിലെ തന്നെ ജ്യൂസ് കുടിക്കുന്നത് അത്ര നല്ലതല്ല. കാരണം, ജ്യൂസ് തയ്യാറാക്കുമ്പോള്‍ പഴങ്ങളിലെ നാരുകള്‍ ഇല്ലാതാകുന്നു. ഇത് രക്തത്തിലേയ്ക്ക് പഞ്ചസ്സാരയുടെ അളവ് വര്‍ദ്ധിപ്പിക്കുന്നതിന് കാരണമാകുന്നു. നിങ്ങള്‍ ജ്യൂസ് തയ്യാറാക്കുമ്പോള്‍ അതില്‍ പഞ്ചസ്സാര ചേര്‍ത്തില്ലെങ്കില്‍ പോലും ഇത്തരം ശീലം ശരീരത്തില്‍ പഞ്ചസ്സാരയുടെ അളവ് വര്‍ദ്ധിപ്പിക്കുന്നുണ്ട്. ഇത് പ്രമേഹ രോഗികള്‍ക്ക് അത്ര നല്ലതല്ല. അതിനാല്‍ പഴങ്ങള്‍ ജ്യൂസ് അടിച്ച് കുടിക്കുന്നതിനേക്കാള്‍ നല്ലത് വെറുതേ കഴിക്കുന്നതാണ്. എന്നാല്‍ മാത്രമാണ് അതിന്റെ ഗുണങ്ങള്‍ ലഭിക്കുക.
കഴിക്കേണ്ടത്
നല്ലപോലെ എനര്‍ജി നല്‍കുന്ന ആഹാരങ്ങള്‍ കഴിക്കുന്നത് നല്ലതാണ്. ഇത് നിങ്ങള്‍ക്ക് ഉറക്കം വാരാതിരിക്കാനും അതുപോലെ തന്നെ വയര്‍ നിറഞ്ഞ് അസിഡിറ്റി പ്രശ്‌നങ്ങള്‍ വരാതിരിക്കാനും ഇത് സഹായിക്കുന്നു. അതുപോലെ തന്നെ, നല്ല നാരുകളും പോഷകങ്ങളും അടങ്ങിയ ആഹാരങ്ങള്‍ കഴിക്കുന്നത് നല്ലതാണ്.
