സ്വര്‍ണവിലയില്‍ കുതിപ്പ്; ഇന്നത്തെ വിലയറിയാം
സ്വര്‍ണ വിലയില്‍ വീണ്ടും കുതിപ്പ്. രണ്ടു ദിവസം കൊണ്ട് പവന് 400 രൂപയുടെ വര്‍ധനയാണു രേഖപ്പെടുത്തിയത്. ഇന്ന് പവന് 320 രൂപ കൂടി 44,760 രൂപയിലും, ഗ്രാമിന് 40 രൂപ വര്‍ധിച്ച് 5,595 രൂപയിലുമാണ് വ്യാപാരം നടക്കുന്നത്. ദീപാവലി ഉത്സവ സീസണ് പിന്നാലെ വിവാഹ സീസണ് എത്തുന്നതും, ആഗോള വിപണികളിലെ വിലമാറ്റവുമാണ് പ്രാദേശിക വിപണികളില്‍ പ്രതിഫലിക്കുന്നത്.
ദീപാവലി ദിനത്തില്‍ മാസത്തെ ഏറ്റവും താഴ്ന്ന നിലവാരമായ 44,360 രൂപയിലായിരുന്നു സംസ്ഥാനത്ത് സ്വര്‍ണവ്യാപാരം നടന്നത്.
