തിരുവനന്തപുരം: നവംബര്‍ 17-ന് കേംബ്രിജ് സര്‍വകലാശാലയില്‍ സൗത്ത് ഏഷ്യന്‍ സ്റ്റുഡന്‍സ് ഹാളില്‍ ‘നെഹ്‌റുവിയന്‍ സോഷ്യലിസത്തിന്റെ പുനരുജ്ജീവനവും മാര്‍ഗങ്ങളും’ എന്ന വിഷയത്തില്‍പ്രതിപക്ഷ നേതാവ് വി.ഡി.സതീശന്‍ പ്രഭാഷണം നടത്തും.
കേംബ്രിജിലെ ആംഗ്ലിയ റസ്‌കിന്‍ സര്‍വകലാശാലയില്‍ സാമൂഹ്യനീതിയും രാഷ്ട്രീയ സമത്വവും എന്ന വിഷയത്തിലെ സംവാദത്തിലും പ്രതിപക്ഷ നേതാവ് പങ്കെടുക്കും.നവംബര്‍ 18-നാണ് സംവാദം. സംവാദത്തില്‍ യു.കെ പാര്‍ലമെന്റ് അംഗം ഡാനിയല്‍ സെയ്ച്‌നര്‍, കേംബ്രിഡ്ജ്‌ഷെയര്‍-പീറ്റര്‍ബറോ ഡെപ്യൂട്ടി മേയര്‍ അന്ന സ്മിത്ത് തുടങ്ങിയവരും പ്രഭാഷണം നടത്തും.
യു.കെയിലെ ഇന്ത്യന്‍ വര്ക്കേഴ്സ് യൂണിയന്‍ കേംബ്രിജ് സ്റ്റുഡന്റസ് യൂണിയനുമായി സഹകരിച്ച് നടത്തുന്ന സംവാദ പരിപാടികളില്‍ മുഖ്യാതിഥിയായാണ് പ്രതിപക്ഷ നേതാവ് പങ്കെടുക്കുന്നത്.
