അന്താരാഷ്ട്ര ക്രിക്കറ്റ് കൗണ്‍സിലിന്റെ (ഐസിസി) ഏകദിന റാങ്കിങ്ങില്‍ ഇന്ത്യന്‍ ഓപ്പണര്‍ ശുഭ്മാന്‍ ഗില്‍ ഒന്നാമതെത്തി. പാകിസ്താന്‍ നായകന്‍ ബാബര്‍ അസമിനെ പിന്തള്ളിയാണ് ഗില്ലിന്റെ നേട്ടം. ഗില്ലിന് 830 പോയിന്റാണുള്ളത്, ബാബറിന് 824 പോയിന്റും. വിരാട് കോഹ്ലിയും രോഹിത് ശര്‍മയുമാണ് ആദ്യ പത്തില്‍ ഇടം നേടിയ മറ്റ് രണ്ട് താരങ്ങള്‍. കോഹ്ലി നാലാമതും (770 പോയിന്റ്) രോഹിത് ആറാമതുമാണ് (739 പോയിന്റ്).
ബൗളര്‍മാരുടെ റാങ്കിങ്ങില്‍ മുഹമ്മദ് സിറാജ് ഒന്നാം സ്ഥാനത്തേക്ക് തിരിച്ചെത്തി. 709 പോയിന്റാണ് സിറാജിനുള്ളത്. താരത്തിന് പുറമെ മൂന്ന് ഇന്ത്യന്‍ ബൗളര്‍മാര്‍ ആദ്യ പത്തിലുണ്ട്. കുല്‍ദീപ് യാദവ് 661 പോയിന്റോടെ നാലാമതും ജസ്പ്രിത് ബുംറ 661 പോയിന്റോടെ എട്ടാമതും മുഹമ്മദ് ഷമി 654 പോയിന്റ് നേടി പത്താമതുമെത്തി .
ഓള്‍റൗണ്ടര്‍മാരുടെ റാങ്കിങ്ങില്‍ ഒരു സ്ഥാനം നഷ്ടപ്പെട്ട് ഇന്ത്യന്‍ താരം രവീന്ദ്ര ജഡേജ പത്താം സ്ഥാനത്തേക്ക് പിന്തള്ളപ്പെട്ടു.
