കോഴിക്കോട്: സിറ്റി സബ് ജില്ലാ ടെന്നീസ് ചാമ്പ്യന്‍ഷിപ്പ് കോസ്‌മോ പോളിറ്റന്‍ ക്ലബ്ബില്‍ ആരംഭിച്ചു. ഹിമായത്തുല്‍ ഇസ്ലാം ഹയര്‍ സെക്കന്ററി സ്‌കൂള്‍ പി. ടി. എ പ്രസിഡന്റ് പി. എന്‍ വലീദ് ചാമ്പ്യന്‍ഷിപ്പ് ഉദ്ഘാടനം ചെയ്തു. സബ് ജില്ലാ സ്‌കൂള്‍ ഗെയിംസ് അസോസിയേഷന്‍ സെക്രട്ടറി ബിജു അഗസ്റ്റിന്‍ അധ്യക്ഷത വഹിച്ചു. ഏ. എം നൂറുദ്ധീന്‍ മുഹമ്മദ്, പി. പി ബഫീര്‍, ഫിറോസ് തേറത്ത്, പി. മുഹമ്മദ് എന്നിവര്‍ ആശംസകള്‍ നേര്‍ന്നു. ജില്ലാ സ്‌പോര്‍ട്‌സ് കൗണ്‍സില്‍ അംഗം സി. ടി ഇല്‍യാസ് സ്വാഗതവും പി. ഷിംല നന്ദിയും പറഞ്ഞു.
