കോഴിക്കോട്: ജില്ലാ ജൂനിയര്‍ ബോള്‍ ബാഡ്മിന്റണ്‍ അസോസിയേഷന്‍ സംഘടിപ്പിക്കുന്ന ജില്ലാ ജൂനിയര്‍ ചാമ്പ്യന്‍ഷിപ്പ് ചാലിയം യു. എച്ച്. എച്ച്.എസ്. എസ് ഗ്രൗണ്ടില്‍ ആരംഭിച്ചു. ജില്ലാ അസോസിയേഷന്‍ പ്രസിഡന്റ് സുബൈര്‍ കൊളക്കാടന്‍ ചാമ്പ്യന്‍ഷിപ്പ് ഉദ്ഘാടനം ചെയ്തു. സ്‌കൂള്‍ പി.ടി.എ പ്രസിഡന്റ് പി. ടി അബ്ദുല്‍ റഷീദ് അധ്യക്ഷത വഹിച്ചു. മാനേജ്‌മെന്റ് കമ്മിറ്റി ജോയിന്റ് സെക്രട്ടറി ലിറാര്‍ മുഖ്യാതിഥിയായിരുന്നു. എം. പി ഇല്യാസ്, ടി. മിഥേഷ്, കെ. എം ബുഷ്റ, പി.എം റിയാസ്, ടി. അനില്‍ കുമാര്‍, സി. സി ഹംറാസ് എന്നിവര്‍ ആശംസകള്‍ നേര്‍ന്നു. ജില്ലാ സ്‌പോര്‍ട്‌സ് കൗണ്‍സില്‍ അംഗം പി. ഷഫീഖ് സ്വാഗതവും ഒ. ഇല്യാസ് നന്ദിയും പറഞ്ഞു.
