വിട പറഞ്ഞിട്ട് 13 വര്‍ഷം
മലയാളിയുടെ പ്രിയ കവി എ അയ്യപ്പന് യാത്രപറഞ്ഞിട്ട് 13 വര്‍ഷം.അശരണരുടെ വേദനയെ കവിതയാക്കി മാറ്റാനുള്ള സര്‍ഗ്ഗാത്മകതയുള്ള കവിയായിരുന്നു അയ്യപ്പന്.1949 ഒക്ടോബര്‍ 27 ന് തിരുവനന്തപുരം ജില്ലയില്‍ ബാലരാമപുരത്ത് ജനിച്ചു.
ദുരിതം നിറഞ്ഞ ഒരു കുട്ടിക്കാലമായിരുന്നു അദ്ദേഹത്തിന്റേത്. ഒരു വയസ്സ് മാത്രം പ്രായമുള്ളപ്പോള്‍ അച്ഛന്‍ അറുമുഖം മരിച്ചു. അച്ഛന്‍ മരിക്കുമ്പോള്‍ അമ്മ ഗര്‍ഭിണിയായിരുന്നുവെന്ന് അയ്യപ്പന് കവിതയില്‍ കുറിച്ചു. 15 വയസ്സുള്ളപ്പോള്‍ അമ്മ മുത്തമ്മാളിനെയും നഷ്ടപ്പെട്ടു.അയ്യപ്പനെ പിന്തുണച്ചിരുന്നത് സഹോദരി സുബ്ബലക്ഷ്മിയും ഭാര്യാസഹോദരന്‍ വി.കൃഷ്ണനും ആയിരുന്നു.
വിദ്യാര്‍ത്ഥിയായിരിക്കുമ്പോള്‍ തന്നെ അയ്യപ്പന് കവിതയെഴുതാന്‍ തുടങ്ങി. കമ്മ്യൂണിസ്റ്റ് പാര്‍ട്ടി ഓഫ് ഇന്ത്യയില്‍ സജീവമായ അദ്ദേഹം പാര്‍ട്ടി പത്രമായ ജനയുഗത്തിന്റെ സ്റ്റാഫില്‍ ചേര്‍ന്നു. അയ്യപ്പന് ഹൃദയസ്പര്‍ശിയായ കവിതകള്‍ക്കും ബൊഹീമിയന്‍ ജീവിതശൈലിക്കും പേരുകേട്ടതാണ്.അയ്യപ്പന് കട വരാന്തകളില്‍ കിടന്നുറങ്ങി കവിതകളെഴുതി – ജീവിതത്തിന്റെ കളങ്കരഹിതമായ ചിത്രീകരണമായിരുന്നു അത്. അദ്ദേഹത്തിന്റെ തന്നെ വാക്കുകളില്‍ പറഞ്ഞാല്‍, നിരാലംബതയും അരക്ഷിതാവസ്ഥയും അവനെ ഒരു കവിയാക്കി മാറ്റി. കേരളത്തിലെ അരാജകത്വത്തിന്റെ പ്രതീകമായി അദ്ദേഹത്തെ കണക്കാക്കാം.
‘കാവിലിന്നുത്സവമാണ് ഒക്കത്ത് മറ്റൊരുത്തന്റെ കുട്ടിയുമായി അവളിന്ന് വരും…..’ അയ്യപ്പന്റെ കവിതകള്‍ക്കെപ്പോഴും വിരഹത്തിന്റെയും വിഷാദത്തിന്റെയും രുചിയായിരുന്നു. പ്രേമത്തിന്റെയും കലാപത്തിന്റെയും ശിഥില ബിംബങ്ങള്‍ അദ്ദേഹം കവിതയില്‍ നിറച്ചു. നഷ്ടപ്രണയത്തിന്റെ നൊമ്പരത്തോട് അയ്യപ്പന് കവിതകളിലൂടെ പ്രതികാരം ചെയ്തു.
കവിതക്ക് പുറത്ത് കവിതയില്ലാത്ത മലയാളിയുടെ സാമാന്യ കവി ധാരണകളെ തെരുവില്‍ പിച്ചിച്ചീന്തിയ കാലഘട്ടത്തിന്റെ കവി അയ്യപ്പന്റെ ‘ഞാന്‍’ എന്ന കവിതയിലെ വരികളാണിവ. പ്രകൃതിയും സ്വപ്നവും കാത്തിരിപ്പും നിദ്രയും ഒറ്റപ്പെടലും അയ്യപ്പന്റെ കവിതകളില്‍ നിഴലിച്ച് കാണാം. ആധുനികതയുടെ കാലത്തിനുശേഷമുള്ള തലമുറയിലെ മലയാളത്തിലെ പ്രമുഖനായ കവിയായിരുന്നു എ. അയ്യപ്പന്.
2010-ലെ മലയാള സാഹിത്യത്തിലെ പരമോന്നത സാഹിത്യ പുരസ്‌കാരങ്ങളിലൊന്നായ ആശാന്‍ സ്മാരക കവിതാ പുരസ്‌കാരം (ആശാന്‍ കവിതാ പുരസ്‌കാരം) നേടിയിട്ടുണ്ട് . 1999-ലെ കവിതയ്ക്കുള്ള കേരള സാഹിത്യ അക്കാദമി അവാര്‍ഡും അയ്യപ്പന് ലഭിച്ചിട്ടുണ്ട്. അയ്യപ്പന്റെ കേരളത്തിലെ ജനകീയ ചലച്ചിത്ര പ്രസ്ഥാനമായ ഒഡേസ കളക്ടീവിന്റെ സ്ഥാപകരിലൊരാളായ ഒഡേസ സത്യന്‍ നിര്‍മ്മിച്ച ‘ ഇത്രയും യാഥാഭാഗം’ എന്ന ഹ്രസ്വചിത്രത്തിലാണ് ജീവിതം രേഖപ്പെടുത്തിയിരിക്കുന്നത്.
2010 ഒക്ടോബര്‍ 21 ന് തിരുവനന്തപുരത്തെ തമ്പാനൂരിലെ തെരുവിലായിരുന്നു അയ്യപ്പന്റെ അന്ത്യം.
