മുതിർന്നവരിൽ ഏറ്റവും കൂടുതൽ ബാധിക്കുന്ന ക്യാൻസറുകളിൽ ഒന്നാണ് സ്തനാർബുദം. ലോകാരോഗ്യ സംഘടന (WHO) പുറത്തുവിട്ട റിപ്പോർട്ട് പ്രകാരം ലോകത്ത് ഓരോ വർഷവും 2.3 ദശലക്ഷം പേർ സ്തനാർബുദ ബാധിതരാകുന്നു.
ഇന്റർനാഷണൽ ഏജൻസി ഫോർ റിസർച്ച് ഓൺ കാൻസർ നടത്തിയ പഠനത്തിൽ, 2020-ൽ കാൻസർ ബാധിച്ച് മരിച്ച 4.4 ദശലക്ഷം സ്ത്രീകളിൽ 25% മരണവും സ്തനാർബുദം മൂലമാണെന്ന് കണ്ടെത്തിയിരിക്കുന്നു.
സ്തനാർബുദത്തിന്റെ പ്രാരംഭ ലക്ഷണങ്ങൾ എന്തൊക്കെയാണ്?
സ്തനാർബുദത്തിന്റെ കൃത്യമായ ലക്ഷണങ്ങളും ലക്ഷണങ്ങളും തിരിച്ചറിയാൻ പ്രയാസമാണെങ്കിലും, പല കേസുകളിലും പ്രാരംഭ ലക്ഷണം വേദനയില്ലാത്ത മുഴകൾ പ്രത്യക്ഷപ്പെടുന്നതാണ്. സ്ഥിരമായി സ്തനത്തിൽ സ്വയം പരിശോധന ന
ത്തുന്നതാണ് സ്തനാർബുദത്തിന്റെ ലക്ഷണങ്ങൾ കണ്ടെത്താൻ ഏറ്റവും എളുപ്പമുള്ള വഴി. കൈ കൊണ്ട് സ്പർശിക്കുമ്പോൾ മുഴ പോലെ എന്തെങ്കിലും തടയുന്നുണ്ടെങ്കിൽ എത്രയും പെട്ടന്ന് ഡോക്ടറെ കാണേണ്ടതാണ്. സ്തനത്തിലെ മുഴ കട്ടിയാകുക, സ്തനത്തിന്റെ ആകൃതിയിലും വലുപ്പത്തിലും മാറ്റം, സ്തനത്തിന്റെ ചർമ്മത്തിൽ ചുവപ്പ്, അരിയോല ചർമ്മത്തിലെ മാറ്റങ്ങൾ, അസാധാരണമായ സ്രവങ്ങൾ എന്നിവയാണ് സ്തനാർബുദത്തിന്റെ പൊതുവായ ലക്ഷണങ്ങൾ.
ആർക്കാണ് കൂടുതൽ അപകടസാധ്യതയുള്ളത്?
സ്തനാർബുദം വരാനുള്ള സാധ്യത പുരുഷന്മാരേക്കാൾ സ്ത്രീകൾക്ക് കൂടുതലാണ്. പ്രായത്തിനനുസരിച്ച് സ്ത്രീകളിൽ സ്തനാർബുദ സാധ്യത വർദ്ധിക്കുന്നു. ഈ ഘടകങ്ങൾ കൂടാതെ, അമിതവണ്ണം, മദ്യപാനം, സ്തനാർബുദത്തിന്റെ കുടുംബ ചരിത്രം, റേഡിയേഷൻ എക്‌സ്‌പോഷർ, പുകയില ഉപയോഗം, ആർത്തവവിരാമത്തിനു ശേഷമുള്ള ഹോർമോൺ തെറാപ്പി എന്നിവയും സ്ത്രീകളിൽ സ്തനാർബുദ സാധ്യത വർദ്ധിപ്പിക്കുന്നു. എങ്കിലും പുരുഷന്മാർക്കും സ്തനാർബുദം വന്നേക്കാം.
സ്തനാർബുദം ബാധിച്ചവരുടെ എണ്ണം 2040 ഓടെ പ്രതിവർഷം 3 ദശലക്ഷം എത്തിയേക്കാമെന്നാണ് ദി ബ്രെസ്റ്റ് ജേണലിൽ പ്രസിദ്ധീകരിച്ച പഠനത്തിൽ കണ്ടെത്തിയിരിക്കുന്നത്. രോഗബാധിതരുടെ എണ്ണത്തിൽ 40% വരെ വർദ്ധനവാണ് ഉണ്ടാവുക. പഠനത്തിൽ സ്തനാർബുദം മൂലമുള്ള മരണങ്ങൾ പ്രതിവർഷം 1 ദശലക്ഷം വരെ എത്തുമെന്ന് പറയുന്നു.
സ്തനാർബുദ സാധ്യത എങ്ങനെ തടയാം?
സമയബന്ധിതമായ പരിശോധന വഴി സ്തനാർബുദ സാധ്യത ഒരു പരിധി വരെ തടയാം. നിങ്ങളുടെ സ്തനങ്ങൾ സ്വയം പരിശോധിക്കുക, മാറ്റങ്ങൾ ശ്രദ്ധിക്കുക. അതിൽ എന്തെങ്കിലും അസ്വാഭാവികത ഉണ്ടെന്ന് ശ്രദ്ധയിൽപ്പെട്ടാൽ ഡോക്ടറെ സമീപിക്കുക. ഡോക്ടറുടെ സഹായത്തോടെ മാമോഗ്രാഫിക് സ്‌ക്രീനിംഗിലൂടെയുള്ള രോഗം നിർണയിക്കാനും തുടർ ചികിത്സ ആരംഭിക്കാനും സാധിക്കും.
