കോഴിക്കോട്:മലബാർ ക്രിസ്ത്യൻ കോളേജിലെ ചരിത്രവിഭാഗം മുൻമേധാവിയും അശ്വിനി ഫിലിം സൊസൈറ്റിയുടെ സംഘാടകനുമായ പ്രൊഫ. എം.പി. ശ്രീധരന്റെ സ്മരണാർത്ഥം ഫ്രഞ്ച് ഫിലിം ഫെസ്റ്റിവൽ ആരംഭിച്ചു. അശ്വിനി ഫിലിം സൊസൈറ്റിയും ക്രിസ്ത്യൻ കോളേജ് ഫിലിം ക്ലബും ചേർന്നാണ് പരിപാടി സംഘടിപ്പിക്കുന്നത്. പ്രൊഫ. ടി.ശോഭീന്ദ്രൻ ഉദ്ഘാടനം ചെയ്തു. പ്രിൻസിപ്പൽ ഇൻ ചാർജ് ഡോ. സച്ചിൻ പി.ജെയിംസ് അധ്യക്ഷനായിരുന്നു. ചെലവൂർ വേണു, ഷാഹിന റഫീഖ്, രോഷ്‌നി പി , ഡോ. എം. സി. വസിഷ്ഠ് എന്നിവർ സംസാരിച്ചു.
