നാദാപുരത്ത് ഡിജിറ്റല്‍ എഡ്യൂക്കേഷന്‍ പദ്ധതിയുമായി ബന്ധപ്പെട്ട് ജനപ്രതിനിധികള്‍, വാര്‍ഡ് വികസന സമിതി കണ്‍വീനര്‍മാര്‍, ടെക്‌മേറ്റുമാര്‍, കുടുംബശ്രീ പ്രവര്‍ത്തകര്‍ എന്നിവര്‍ക്കായി ഡിജിറ്റല്‍ പാഠശാല ഡിജി മീറ്റ് 2023 സംഘടിപ്പിച്ചു. പങ്കെടുത്തവര്‍ക്കെല്ലാം ഇ-മെയില്‍ വിലാസവും, ILGMS പോര്‍ട്ടലില്‍ വ്യക്തിപരമായ അക്കൗണ്ട് തുടങ്ങുകയും, ഡിജി ലോക്കര്‍ അക്കൗണ്ട് ആരംഭിക്കുകയും ചെയ്തു. ഡിജി മീറ്റ് പഞ്ചായത്ത് പ്രസിഡന്റ് വി.വി മുഹമ്മദലി ഉദ്ഘാടനം ചെയ്തു. വൈസ് പ്രസിഡന്റ് അഖില മര്യാട്ട് അധ്യക്ഷത വഹിച്ചു. പഞ്ചായത്ത് സെക്രട്ടറി ടി. ഷാഹുല്‍ ഹമീദ്, ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ എം.സി സുബൈര്‍ എന്നിവര്‍ സംസാരിച്ചു. ടെക്‌നിക്കല്‍ ക്ലാസ്സിന് ഐ.കെ.എം ബ്ലോക്ക് ടെക്‌നിക്കല്‍ അസിസ്റ്റന്റ് എ.എസ് ഷിജുമോള്‍, പഞ്ചായത്ത് ടി.എ ഷീമ എന്നിവര്‍ നേതൃത്വം നല്‍കി. വിവിധ വാര്‍ഡുകളില്‍ നിന്നായി 83 പേര്‍ പങ്കെടുത്തു.
