കസ്റ്റമൈസ്ഡ് ഫര്‍ണീച്ചറുകള്‍ക്ക് പ്രത്യേക വിഭാഗം
കോഴിക്കോട്: ദക്ഷിണേന്ത്യയിലെ ഏറ്റവും വലിയ ലൈഫ് സ്‌റ്റൈല്‍ ഡെസ്റ്റിനേഷനായ സ്റ്റോറീസിന്റെ പുതിയ ഷോറൂം അടിമുടി മാറ്റങ്ങളുമായി ഹൈലൈറ്റ് മാളില്‍. ഫര്‍ണിച്ചര്‍, ഫര്‍ണിഷിങ്, ഡെക്കോര്‍, ഹോംവെയര്‍ തുടങ്ങിയവയുടെ വൈവിധ്യമാര്‍ന്ന ശേഖരവുമായി രണ്ടാംനിലയില്‍ പ്രവര്‍ത്തനമാരംഭിച്ച ഷോറൂം പ്രമുഖ വ്യവസായിയും മലബാര്‍ ഗോള്‍ഡ് ആന്‍ഡ് ഡയമണ്ട്‌സ് ചെയര്‍മാനുമായ എം.പി. അഹമ്മദ് ജനങ്ങള്‍ക്കു സമര്‍പ്പിച്ചു. ഉപയോക്താക്കള്‍ക്കു നല്‍കുന്ന വിശ്വാസമാണ് ഏതു സ്ഥാപനത്തിന്റെയും വിജയമെന്നും ആ നിലയ്ക്ക് സ്റ്റോറീസ് ദേശീയതലത്തില്‍തന്നെ അടയാളപ്പെടുത്തുമെന്നും അദ്ദേഹം പറഞ്ഞു. ഫര്‍ണീച്ചറുകള്‍ക്കു പുറമെ ഹോം യൂട്ടിലിറ്റി, ഹോം ഡെക്കോര്‍, ഹോംവെയര്‍ ഉല്‍പ്പന്നങ്ങള്‍ ഉപയോക്താക്കള്‍ക്ക് താങ്ങാനാകുന്ന വിലയില്‍ എത്തിക്കുകയാണ് സ്റ്റോറീസ് ലക്ഷമിടുന്നതെന്ന് സ്റ്റോറീസ് ഫൗണ്ടര്‍ സഹീര്‍ ഗജ അറിയിച്ചു.
അടുത്ത മൂന്നു വര്‍ഷങ്ങള്‍ക്കുള്ളില്‍ ഇന്ത്യയിലാകെ 100 ഷോറൂമുകള്‍ തുറക്കാനാണ് കമ്പനി ലക്ഷ്യമിടുന്നതെന്ന് സ്റ്റോറീസ് ചെയര്‍മാന്‍ ഹാരിസ് കെ.പി പറഞ്ഞു. സ്റ്റോറീസ് മാനേജിങ് ഡയറക്ടര്‍ അബ്ദുല്‍ നസിര്‍ ഗജ, ഡയരക്ടര്‍മാരായ ഫിറോസ് ലാല്‍, മുഹമ്മദ് ബാസില്‍ എന്നിവരും ഉദ്ഘാടന ചടങ്ങില്‍ സന്നിഹിതരായിരുന്നു.
