കൊല്ലം: ഏഴുകോണില്‍ കോണ്‍ഗ്രസ് സ്ഥാപിച്ച ഗാന്ധി പ്രതിമയുടെ തല അറുത്തുമാറ്റിയ നിലയില്‍. തിങ്കളാഴ്ച കൊടിക്കുന്നില്‍ സുരേഷ് എം.പി ഉദ്ഘാടനം നടത്താനിരിക്കെയാണ് രാത്രിയില്‍ പ്രതിമ നശിപ്പിച്ചത്. ഇലഞ്ഞിക്കോട് ജങ്ഷനില്‍ സ്ഥാപിച്ച പ്രതിമയാണ് തകര്‍ത്തത്. നേരത്തെ ഇവിടെയുണ്ടായിരുന്ന ഗാന്ധി സ്മൃതിമണ്ഡപം തകര്‍ത്തതിനെ തുടര്‍ന്നാണ് ഏഴുകോണ്‍ കോണ്‍ഗ്രസ് മണ്ഡലം കമ്മിറ്റി പുതിയ പ്രതിമ സ്ഥാപിച്ചത്. രണ്ട് ദിവസം മുമ്പ് പ്രതിമയുടെ കണ്ണാടി കാണാതായിരുന്നു. പ്രതിമ തകര്‍ത്തവരെ കണ്ടെത്തണമെന്ന് ആവശ്യപ്പെട്ട് കോണ്‍ഗ്രസ് നേതാക്കള്‍ ഏഴുകോണ്‍ പോലിസില്‍ പരാതി നല്‍കി.
