കോഴിക്കോട്: ഇന്ത്യന്‍ റെഡ് ക്രോസ് സൊസൈറ്റിയുടെ ആഭിമുഖ്യത്തില്‍ ജില്ലയിലെ സര്‍ക്കാര്‍ ആശാഭവനുകള്‍ക്കുള്ള കിച്ചന്‍ സെറ്റുകളും ഹൈജീന്‍ കിറ്റുകളും കൈമാറി. ജില്ലാ കലക്ടര്‍ ഡോ. എന്‍.തേജ് ലോഹിത് റെഡ്ഢി, സൊസൈറ്റി ചെയര്‍മാന്‍ മാടഞ്ചേരി സത്യനാഥനില്‍ നിന്ന് കിറ്റ് ഏറ്റുവാങ്ങി. കലക്ടറേറ്റില്‍ നടന്ന ചടങ്ങില്‍ സൊസൈറ്റി ജില്ലാ സെക്രട്ടറി കെ. ദീപു മാസ്റ്റര്‍, വൈസ് ചെയര്‍മാന്‍ എ.ടി അശോകന്‍, ഷാജി.പി, ആശാഭവന്‍ പ്രതിനിധികളായ ജിന്‍സി, ദേവസ്യ, കെ.സി ഗംഗാധരന്‍, വളണ്ടിയര്‍മാരായ ഋതുല്‍ എന്‍.ആര്‍, കാര്‍ത്തിക് കൃഷ്ണ മനോജ് എന്നിവര്‍ പങ്കെടുത്തു.
