തിരുവനന്തപുരം: കാട്ടാക്കടയിൽ വീടിനുള്ളിലേക്ക് പാമ്പിനെ യെറിഞ്ഞ് ഗൃഹനാഥനെ കൊല്ലാൻ ശ്രമം. സംഭവത്തിൽ അമ്പലത്തിൻകാല സ്വദേശി ഗുണ്ടുറാവു എന്നറിയപ്പെടുന്ന കിച്ചുവിനെ കാട്ടാകട പോലീസ് അറസ്റ്റ് ചെയ്തു. മകളെ ശല്യം ചെയ്തത് വിലക്കിയതുമായി ബന്ധപ്പെട്ട വൈരാഗ്യത്തിലാണ് പാമ്പിനെ എറിഞ്ഞതെന്ന് കിച്ചു പോലീസിനോട് പറഞ്ഞു.
ഞായറാഴ്ച പുലർച്ചെയാണ് സംഭവം. ഗൃഹനാഥന്റെ മകളെ ശല്യം ചെയ്തതുമായി ബന്ധപ്പെട്ട് കിച്ചുവുമായി തർക്കങ്ങളുണ്ടായിരുന്നു. പരാതിയിൽ മേലിൽ പെൺകുട്ടിയെ ശല്യംചെയ്യരുതെന്ന് മുന്നറിയിപ്പ് നൽകി കിച്ചുവിനെ വിട്ടയച്ചിരുന്നു. ഇതിലുള്ള വൈരാഗ്യമാണ് പാമ്പിനെ എറിയാൻ കാരണമായതെന്ന് പോലീസ് പറയുന്നു. ഞായറാഴ്ച പുലർച്ചെ വീടിന്റെ ജനലിനുള്ളിലൂടെ പാമ്പിനെയെറിഞ്ഞു, കൊലപ്പെടുത്താൻ ശ്രമിച്ചുവെന്നാണ് കുടുംബത്തിന്റെ പരാതി.
