എ.കെ. സാജൻ രചനയും സംവിധാനവും നിർവഹിക്കുന്ന ജോജു ചിത്രം ‘പുലിമട’യുടെ ടൈറ്റിൽ പോസ്റ്റർ പുറത്തിറങ്ങി. ഒരു പെണ്ണിന്റെ സുഗന്ധം (സെന്റ് ഓഫ് എ വുമൺ) എന്നാണ് ചിത്രത്തിന്റെ ടാഗ് ലൈൻ. ഐശ്വര്യ രാജേഷും ലിജോ മോളുമാണ് പ്രധാന നടിമാർ.
ചെമ്പൻവിനോദ്, ബാലചന്ദ്രമേനോൻ, ജോണി ആന്റണി, ജാഫർഇടുക്കി തുടങ്ങിയവർക്കൊപ്പം സംവിധായകൻ ജിയോ ബേബിയും ചിത്രത്തിലുണ്ട്. വേണുവാണ് ക്യാമറ. വർഷങ്ങൾക്കുശേഷം വേണു ഛായാഗ്രാഹകനാകുന്ന ചിത്രമാണിത്.
ഐൻസ്റ്റീൻ സാക് പോളും രാജേഷ് ദാമോദരനും ചേർന്നാണ് നിർമാണം. വയനാടായിരുന്നു പ്രധാനലൊക്കേഷൻ. അനിൽ ജോൺസണിന്റേതാണ് ഒറിജനൽ ബാക് ഗ്രൗണ്ട് സ്‌കോർ. ഇഷാൻ ദേവ് ആണ് സംഗീതം. സംവിധായകൻ എ.കെ.സാജൻ തന്നെയാണ് എഡിറ്റിങ് നിർവഹിച്ചത്. റഫീഖ് അഹമ്മദ്, ഡോ. താര ജയശങ്കർ, ഫാ. മൈക്കിൾ പനച്ചിക്കൽ എന്നിവരുടേതാണ് ഗാനങ്ങൾ.ചിത്രം ഉടൻ പ്രദർശനത്തിനെത്തും.
