കൊച്ചി: ഡ്യൂറൻറ് കപ്പിനുള്ള കേരള ബ്ലാസ്റ്റേഴ്സ് സ്‌ക്വാഡിനെ രണ്ട് ദിവസത്തിനുള്ളിൽ പ്രഖ്യാപിക്കും. യുവതാരങ്ങൾക്ക് മുൻഗണന നൽകുമെന്നാണ് പ്രതീക്ഷിക്കുന്നത്. കൊൽക്കത്തയിൽ ആരംഭിച്ച ഡ്യൂറൻഡ് കപ്പാണ് കേരള ബ്ലാസ്റ്റേഴ്സിന്റെ പ്രീ സീസൺ മത്സരങ്ങളിലെ ആദ്യ ടൂർണമെന്റ്. ടീം ഓഗസ്റ്റ് ഒമ്പതിന് ഡ്യൂറൻഡ് കപ്പിനായി കൊൽക്കത്തയിലേക്ക് തിരിക്കും. 13ന് ഗോകുലം കേരള എഫ്‌സിയുമായാണ് ബ്ലാസ്റ്റേഴ്സിന്റെ ആദ്യ മത്സരം.
ഡ്യൂറൻഡ് കപ്പിന് ശേഷം സെപ്റ്റംബർ ആദ്യ ആഴ്ചയോടെ ബ്ലാസ്റ്റേഴ്സിന്റെ യുഎഇ പ്രീ സീസൺ പര്യടനം ആരംഭിക്കുമെന്നാണ് റിപ്പോർട്ടുകൾ. 10 ദിവസം നീളുന്ന പ്രീ സീസൺ പര്യടനത്തിൽ യുഎഇ പ്രോ ലീഗ് ക്ലബ്ബുകളുമായി മൂന്ന് പരിശീലന മത്സരങ്ങൾ മഞ്ഞപ്പട കളിക്കും. മത്സരങ്ങൾ നടക്കുന്ന തീയതികളുടെയും ടീമുകളുടെയും കാര്യത്തിൽ ഔദ്യോഗിക സ്ഥിരീകരണം ആയിട്ടില്ല.
