കൊച്ചി: ഫോണിലൂടെ അസഭ്യവർഷം നടത്തിയെന്നും വധഭീഷണി ഉയർത്തിയെന്നുമുള്ള നടൻ സുരാജ് വെഞ്ഞാറമൂടിന്റെ പരാതിയിൽ കാക്കനാട് സൈബർ പൊലീസ് കേസെടുത്ത് അന്വേഷണം ആരംഭിച്ചു. മൊബൈൽ ഫോൺ നമ്പറുകളും സമൂഹ മാധ്യമ അക്കൗണ്ടുകളും കേന്ദ്രീകരിച്ചാണ് അന്വേഷണം നടക്കുന്നത്.
കഴിഞ്ഞ മൂന്ന് ദിവസമായി അപരിചിതമായ നമ്പറുകളിൽ നിന്ന് ഫോൺ വിളികൾ ലഭിക്കുന്നുണ്ടെന്ന് സുരാജ് പരാതിയിൽ പറയുന്നു. വാട്സാപ്പിലൂടെയും വിദേശത്ത് നിന്നടക്കം ഭീഷണികളും ചീത്തവിളികളും ലഭിക്കുന്നുണ്ട്. ഫോൺ നമ്പർ ഫേസ്ബുക്ക് പേജിൽ പ്രസിദ്ധപ്പെടുത്തി അസഭ്യം വിളിക്കാൻ ആഹ്വാനം ചെയ്തയാളെ സുരാജ് പരാതിയിൽ ചൂണ്ടിക്കാണിച്ചിട്ടുണ്ട്.
മണിപ്പൂരിൽ രണ്ട് സ്ത്രീകളെ നഗ്നരാക്കി നടത്തിയ സംഭവത്തിൽ ഫേസ്ബുക്ക് പോസ്റ്റിട്ട സുരാജ് ആലുവ സംഭവത്തിൽ മൗനം പാലിച്ചുവെന്നാരോപിച്ചാണ് ചിത്തവിളിയും ഭീഷണികളും.
